الأخوة الكرام
نيجى للقطه المهمه اللى عملت برجله
اللى الأجانب بايعين فيها والعرب شاريين فيها والسوق ساعتها كان نازل 106 نقطه والناس إترعبت
وبدأ الجميع يتكلمون عن "" أن هذا برهان على إرتباط سوقنا بالأسواق العالمية ..... أهه شايفيين بعنيكم الأجانب باعوا ونزلوا السوق 106 نقطه ... والمؤسسات مش قادره ترفع السوق ... ألخ من هذا الكلام التهريج """"
طب المعطيات عندنا كالآتى
بيع الأجانب تم ما بين الساعه 10:35 و الساعه 10:55
الأجانب باعوا حاجه بحجم حوالى 32 مليون جم
اللى إشترى منهم العرب
الموؤسسات المصريه الغلبانه فى الوقت ده .... "" مش قادره ترفع السوق " وبايعه وشاريه بس بمبلغ 4مليون جم من أول الجلسه "غلابه"
كملت تحليل تداولات الجلسه للفتره ما بين الساعه 10:35 و الساعه 10:55 .... علما ان قيمة التداول خلال هذه الفتره 78مليون جم
وظهرت النتائج التاليه
الصورة الأولى
صوره بتحدد تنازليا أعلى الأسهم تداولا بقيمة التداول
وطبعا هنلاحظ على طول أن من بين ال 78 مليون حجم تداول كل الأسهم ما بين الساعه 10:35 والساعه 10:55 فيه 31 مليون وكسور "غبور "
قلت أروح أجيب تفاصيل غبور
وده الصوره الثانيه
هنلاحظ أن فيه بيعتين " بالأحمر" قيمتهم لوحدهم 31 مليون جمواحده الساعه 10:41 بقيمه 26 مليون ... والثانيه الساعه 10:49 بقيمه 5مليون "" يعنى 31 مليون " ولو رجعنا لقيمة بيع الأجانب فى هذه اللحظه هنلاقيها نفس المبلغ ... مع ملاحظة أن سعر البيع 40 جم وهو نفس سعر إغلاق امس يعنى
التغير فى السعر 0%
واضح إنها مبادله متفق عليها بين مؤسسات أجنبيه وعرب
قلت أروح أشوف أكبر سهم تأثير فى المؤشر تليكوم
وده الصوره الثالثه
سهم تليكوم باع 200 سهم الساعه 10:37 ... ولم يبع بعد ذلك إلا إبتداء من الساعه 10:50 ... "" أى بعد الصفقه بتاعه غبور"" ....
باعوه ب 373ألف جنيه فى 5 دقائق من الساعه 10:50 الى الساعه 10:55 ولاحظم نسبه هبوط سعره وصلت الى هبوط بنسبه - 2.38 %
يعنى فى النهايه بيع الأجانب كان مجرد تبادل أسهم بين مؤسسه أجنبيه والعرب فى سهم غبور بما قيمته 31مليون جنيه
بعدها مباشره فى حد إشتغل على تليكوم ""
ب 373 ألف جنيه "" وباعه على
- %2.38
هذه هى الحقيقه مدعمه بالأرقام
الصوره اللى ظهرت أمام الناس
الناس تم وهمها أن الأجانب بايعين والسوق نازل ... وطبعا أنتم عارفين الباقى واللى حصل ... الناس كلها جريت تبيع علشان الأجانب بتبيع ... علشان إحنا مرتبطين بالأسواق العالمية وده طبعا خلى السوق يكمل نزول
حقيقة اللى حصل تريجر محترف جدا من المؤسسات المصرية لإستغلال رعب الناس فى هذا الجو من الإشاعات ... وإتلزقت فى الأجانب
كل اللى حصل بعد كده كان نتيجه للتريجر ده ..... اللى إتعمل بمبلغ حوالى واحد مليون جنيه مصرى لا غير .....(( 106 نقطه نزول فى أول 25دقيقه مع توهم الناس أن الأجانب بيبيعوا... بيصفوا وبيرموا أسهمهم فى السوق علشان يخرجوا بسرعه ))........
يا ريت نفكر ونراعى ضميرنا قبل نقول أى حاجه للناس
أراد الله أن ألتقط الصوره الأولى قبل لقطة الأجانب .... كان ممكن أكون مشغول ساعتها أو أستنى شويه فلا تظهر أو بيانات البورصه تتأخر أو لا أحتفظ بالصوره بعد ما أخدتها .... أو ... أو ... لكن "" قدر الله وما شاء فعل ""
... نتيجة هذا المظهر الخادع اللى حصل ... أعز صديق لى خرج بمحفظته أمس بخساره طبعا ونهائيا ... حاولت إقناعه ... وناقشته "" لكن للأسف لم تكن هذه الحسابات معى" ..... وقال لى ... حتى لو الأجانب مالهومش دخل .. بس إحنا معانا ناس قطيييييع محترم وناس سيقاهم .... أنا مش هستنى البهايم دى لما تفهم ... وخرج نهائيا من البورصه بلا عوده ..!!!!
الأفراد بيقلوا من السوق شويه شويه ........ وفى النهايه
مش هيتبقى غير "" تجار البلالين ""
ولا حول ولا قوة إلا بالله
ألا قد بلغت اللهم فأشهد
رد : اسهم فى اتجاهات صاعده
العرض العادي
