الأســهـم الـتـى لا تـخـسـر وأنـت لا تـــدرى

hanihemdan · 09-10-2008, 06:50 PM

اقتباس:

المشاركة الأصلية كتبت بواسطة haithamAhmed

يا جماعة قولي لي هم سمهمكم سهم جنوب خلاص راحت عليه ؟؟ السهم دلوتقي سعر في الضياع .. الواحد يعني ينسي السهم خلاص ؟؟ افيدوني افادكم الله

يا أخ هيثم ,
السووق كلله واااقع , دي مرحلة ان الي معاه سهم عالي يقلل المتوسط بتاعه على قد ما يقدر .... وكمان جنوب الوادي مرحش عليه ولا حاجه بس هوا هيطلع ازاي ماهو الي بيشتروه من هنا بتلاقى ناس تانية عمله عليه تريدات بردو من الناحيه التانية ... الناس الي بتلقط دي مشكله فى الأسهم الي سعرها صغير ... علشان كده مش كنا بنشوف السهم دا بتاع مضاربات فى سعرة من فوق الــ 20 جم ... بس تفائل خيير وارضى باليمقسوم حالياً يرضى علينا ربنا ويرزقنا من حيث لا نحتسب :)

ali_egta · 10-10-2008, 01:04 AM

اغلاقات مخيبة للامال فى بورصة امريكا واوروبا اليوم فكلها اغلقة على انخفاضات كبيرة ندعوا الله ان ينصلح الحال غدا وتعوض نذيف اليوم طالما قدرنا ان نرتبط بها من خلال ثلاث او اربع شهادات تتداول فى بورصة لندن تؤثر على كل اسهمنا وطالما الادارة الواعية لهيئة الاستثمار والبورصه لا تستطيع ان تضع حلا لتوزيع المؤشر بدلا من ان ثلاث اسهم يتحكمون فى مصير اكثر من 375 سهم وعجبى ويجعله عامر

hanihemdan · 10-10-2008, 07:09 AM

إنهيارات فى بورصات أسيا وأستراليا حالياً:

مؤشر نيكي الياباني وهونج كونج وأستراليا :

Australia ASX 100 -269.60 -7.62% 3,266.30 10/10 2:44pm
Australia ASX All Ords -327.30 -7.49% 3,964.00 10/10 2:44pm
Australia ASX Mid-cap 50 -317.80 -7.61% 3,731.20 10/10 2:44pm
Hong Kong Hang Seng -1,093.99 -7.09% 14,849.25 10/10 11:49am
Hong Kong HSCC Red Chip -184.25 -6.10% 2,833.94 10/10 11:49am
Japan Nikkei 225 -867.27 -9.47% 8,290.22 10/10 12:45pm

أسترها علينا يا رب .... انشاء الله اوروبا تحاول تعدل بكرة انا اعتقد ان خلال اول الجلسة هبوط جامد بس لو معوضتش هيكون شئ مرعب عن الأول

hanihemdan · 10-10-2008, 08:54 AM

يعني يا دكتور انا بعد مشاهدتي لمؤشر بورصة امريكا فى الهبوط .... إلي مؤثر عليه ..:
شركات التأمينات , البنوك بس كلهم واقعين .... طيب ليه بقيه الأسهم تقع .... حضرتك هتقولي علشان الناس تعوض خسارتهم فى الأسهم دي هقولك ماشي فى ناس طلعت من الأسهم دي وناس دخلت تعوض الخساره تقلل المتوسط زي ما احنا بنعمل بس الناس دي ما لاحظتش كل دا ان مش هينفع يعملولها حاجة خالص ما يدخلو فى اسهم تانية يعوضو بيها خسائرهم .... دي حاجة ..... ليييييه بقا بتؤثر فى البورصات العربية وخاصة المصرية طالما احنا كلنا بعييييييييييد عن نفس سياسة التاكينات والبنوك بتاعتهم .... يعنى العرب والأجانب طلعم من عندنا بقالهم 5 شهور لسه بقا فعلا أجانب تاي فى السوق دحنا بقا استثمارات مصر ما تكملش 10 % من قيمة البورصة فعلياً بقا .... فيه ناس فى منتديات تانية بتقول فى مؤامرة من الحكومة طيب ليه وعلى ايه .... غير كدا الي حصل من هيئة البورصة المصرية فى اليومين الواقعين دوول .... انا لما عوزت اعمل عمليه شراء فى اليومين الي فاتم اول ساعتين كان مستحيل لييييه بقا .... بيقولوا فيه عطل من البورصة نفسها وانا شايف فى ناس تانية بتشتري انما الأغلبية العظمي بيييع بيييع بييييييع .... اييه البلد دي ......

ali_egta · 11-10-2008, 01:13 AM

ماذال الوضع شديد الخطورة نرجوا عدم الشراء فى اسهم المضاربات والجيمات والابتعاد عنها نهائيا والتوجه الى اسهم الكوبونات المرتفعة فقط ومحاولة تبديل المحافظ اليها بقدر المستطاع وعدم القيام بعمل اى تريدات والتوقف نهائيا عن الشراء الا فى عمل متوسطات لاسهم الكوبونات فقط حيث انهارت البورصة العالمية اكثر وخاصة بورصة لندن التى بها شهادات الايداع الدولية ووقد كسر سهم انشاء اليوم حاجز 200جنيه وربنا يستر

جويا جويا · 11-10-2008, 02:25 AM

استاز علي

لو حبيت ادخل اشتري دلوقتي ترشح لي اي شركات ؟؟

hanihemdan · 11-10-2008, 08:20 AM

مسئول بالبنك المركزي المصري : مصر الاكثر استفادة من الأزمة المالية العالمية باعتبارها الأكثر استقرارا وأمنا من الناحية الاقتصادية
الجمهورية المصرية السبت 11 أكتوبر 2008 2:48 ص

أكد مصدر مسئول بالبنك المركزي المصري أن مصر تستفيد من الأزمة المالية العالمية باعتبارها الأكثر استقرارا وأمنا من الناحية الاقتصادية أشار المصدر إلي أن هذه الأزمة سيكون لها عواقبها علي المجتمع الدولي بأسره إلا أنها أيضا ستعود علي البعض بنتائج ايجابية مثل مصر...

أشار المصدر إلي أن اهم هذه الايجابيات التي عادت علي مصر ايجابيا ويجب استثمارها جيدا هي عودة هجرة الأموال المصرية من بنوك سويسرا وبريطانيا مرة أخري إلي الوطن الأم مصر في بنوكها العامة والخاصة.

أضاف أن هذه التحويلات الخارجية لمصريين أودعوا أموالهم بالخارج ستكون مؤشرا لاستقطاب الأموال العربية الأخري وخاصة الخليجية من البنوك الأجنبية إلي بنوك مصر..

قال إن عودة الأموال المصرية من الخارج تأتي في الوقت المناسب لتعويض الاستثمارات الأجنبية التي تخرج من مصر عند تصفيتها بالبورصة تعويضا لخسائر المستثمرين الأجانب في البورصات العالمية.

أشار المصدر إلي أن عودة التحويلات تشير إلي الثقة الكاملة في الجهاز المصرفي المصري. كما أن بنوك مصر آمنة والودائع مضمونة بالكامل بضمان المركزي المصري... بالرغم من أن بنوك الاتحاد الأوروبي تعطي تعويضا بحد أقصي 50 ألف يورو فقط من الودائع والبنوك التجارية في أمريكا تمنح 100 ألف دولار كحد أقصي.. وجار زيادتها إلي ربع مليون دولار...

قال المصدر ان الايجابيات أيضا التي شوهدت عند بيع بنك واكوفيا والذي يبلغ رأسماله 100 مليار دولار والودائع تزيد علي 400 مليار دولار تقدم سيتي جروب لشرائه بمبلغ 2 مليار دولار مقابل 15 مليار دولار لأعلي عرض تقدم به أحد البنوك لشراء بنك واكوفيا.. وبالمقارنة علي موقف بنك القاهرة الذي اقترب سعره من 2 مليار دولار ورفضت اللجنة بيعه لعدم وصوله للسعر العادل الذي أتي به التقييم الذي أعده جي. بي. بورجان

كما أن الايجابيات التي ظهرت مع هذه الأزمة حظر المركزي المصري لاستخدام المشتقات المالية والتي تسببت في خسائر بالمليارات لبنوك كبري عالمية. وتحديده لحصة 5% من محفظة القروض للرهن العقاري فقط دون أن تتعداها البنوك.. بالاضافة إلي أن نسبة التوظيف لأموال المودعين في بنك مصر بلغت 54% وكان يؤخذ علي البنوك المصرية وجود سيولة مالية لديها وإن كان البعض ينظر إليها أن هذا مؤشر سلبي إلا أن مافعلته البنوك الأمريكية والأوروبية بتوظيف 100% أو أكثر وهذا خطأ ثبت عدم جدواره.

ومن أهم الايجابيات أيضا هي مؤشرات التوظيف لقوائض النقد الأجنبي حيث لم تتعد في مصر 10% من حجم الودائع وعلي أن يتم توزيعها علي عدة بنوك بشرط ألا يزيد معدل التوظيف في البنك الواحد عن 10% من حجم التوظيف.

أشار المصدر إلي أن زيادة السيولة مع عودة الأموال المصرية المهاجرة من الخارج ستضع علي كاهل البنوك مسئولية كبيرة في ضرورة استحداث وسائل جديدة ومبتكرة لتوظيف هذه الأموال وبشكل يعود بالفائدة علي المودعين وعلي البنوك نفسها.

بالنسبة للمارك الأحمر ... عرفتم دلوقتى ليه كانوا بيزودم فائدة البنوك علشان عينهم كانت على فلوس المصريين فى الخارج عاوزيين يزودم الودائع بتاعت البنوك للأسف احنا دايما نفكر فى اتجاه وكانه جي من راس واحدة وليس مجموعه من الإقتصاديين المحترميين والي بياخدم مرتبات قد كدا .... يعنى يزودم ودائع وينقصوا سيولة الأسواق ويأثروا على البورصة بالسالب ....

وهنا يأتي شئ فكرت فيه الصراحة:

دلوقتى الحمد لله اقتصاد امريكا وقع وبيعدو العده علشان للأسف بردو هيخسروا تانى لأن بيقولو انهم ناويين يشتروا بالخطة بتاعت 700 مليار دولار دي اسهم البنوك الي بتقع .... ما اسخم من سيدي الا ستي ... احنا اتفقنا ان كلللللل دووووولل ربا وهيجلهم يووم تانى اسخم من دا وان غداً لناظره قريب ...
ال مهم اليوم دا هيكون لسه عليه شويه كل دا الناس بتفكرهم برا هيقول واو وكدا كويس هيعوضوا البنوك .... تمام انا بقول بقا ان فيه فى مصر صنادييق استثمار واقفة مستنية استقرار الأزمة الماليه فى الأسواق علشان تدخل تشتري ى البورصة وبقوة لأن بقالهم 5 شهور عمالين يبيعوا أصلا ... التعليقات الي قالها النهاردة هنري بولسون [ان هوا هيشتري فى اصول البنوك واسهم البنوك الي واقعه على اساس توفيير سيولة وكمان جمايه المستثمريين واصحاب الأسهم فى هذه البنوك ... توقعي ان الأيام الي جايه نشاء الله فى استقرار كويس فى الأسواق وهيؤدي الى ارتفاع كويس ايضا ... بالنسبة للصناديق بتاعت مصر هيا بس مستنية تطمئن بس انها هتدخل فى وقت طلوع او قبل كمان وقت الطلوع على اساس ان المستثمريين العرب والأجانب يفكروا يجعوا تانى .... فا نقول مزيداً من الصبر فااات الكتييييييييير ومبقاش الا القليل انشاء الله

HOSSAM7 · 11-10-2008, 09:23 AM

استاذ على ممكن اسعار الشهادات الدولية بلندن

hanihemdan · 11-10-2008, 05:50 PM

مجلس الشعب يطلب إنشاء صندوق دولى لمعالجة تداعيات الازمة المالية العالمية
وكالة أنباء الشرق الأوسط السبت 11 أكتوبر 2008 3:49 م

دعت مصر الى إنشاء صندوق دولى تساهم فيه الدول الكبرى بالنصيب الاكبر لمساعدة الدول النامية فى تخطى التداعيات السلبية التى لحقت بها وشعوبها جراء الازمة المالية العالمية .

كما دعت مصر إلى عقد مؤتمر دولى تشارك فيه كافة الاطراف المعنية الرسمية وغير الرسمية بهذه الازمة لمناقشة سبل معالجتها والتوصل الى توصيات جادة يحول العمل بها دون تكرار هذه الازمات مستقبلا .

جاء ذلك فى مشروع قرار تقدمت به الشعبة البرلمانية المصرية الى الجمعية التابعة للاتحاد البرلمانى الدولى فى إجتماعها القادم بجنيف الاسبوع الحالى .

وحث مشروع القرار على قيام البنوك المركزية والعالمية بالتدخل الفورى لضبط الاسواق المالية العالمية ، وضخ المزيد من الاموال لمواجهة القروض المتعثرة ونقص السيولة ومساعدة الدول النامية فى معالجة الازمة ، وكذلك تدخل حكومات الدول المتقدمة والتحرك السريع والجاد للوفاء بالتزاماتها تجاه الدول النامية لتمكينها من القضاء على الفقر والجهل والمرض وتحقيق معدلات نمو مرتفعة .

وطالب مشروع القرار برلمانات العالم بتحمل مسئوليتها فى مواجهة الازمة المالية العالمية وتقديم الدعم اللازم والمشوة للحكومات للمساعدة فى التغلق على آثار هذه الازمة مع دراستها بشكل متعمق لتجنب حدوث أزمات مستقبلية ، ورحب بالاجراءات الفعلية الحكومية من أجل التعامل الفورى مع تداعيات هذه الازمة ، وبإدراج موضوع الازمة المالية العالمية على جدول أعمال مؤتمر الاتحاد البرلمانى الدولى المقرر عقده فى جنيف بعد غد.

ويترأس الدكتور أحمد فتحى سرور رئيس مجلس الشعب الوفد البرلمانى المصرى الذى سيغادر القاهرة غدا "الاحد" لمناقشة عدد من الموضوعات الدولية

أحب أشيف بس :
الى الحج أحمد والحجة ام محمود فى مجلس الشعب خليك فى الكوز لما نعوز .... هتفتوا وانتو ملكوش فى الذرة .... والله العظيم ... مش تشوفوا بلدكم الأول

ali_egta · 12-10-2008, 01:28 AM

اقتباس:

المشاركة الأصلية كتبت بواسطة جويا جويا

استاز علي

لو حبيت ادخل اشتري دلوقتي ترشح لي اي شركات ؟؟

اختى الكريم انا ارشح بعض الاسهم ولكى الاختيار وهى على التوالى :
سيدى كرير
مصر للالومنيوم
اسمنت سينا
اسمنت بنى سويف
المالية والصناعية
المهن الطبية
السويس للاسمنت
اسمنت طره

الأســهـم الـتـى لا تـخـسـر وأنـت لا تـــدرى

الـمـنـتــــدى الــــتـعـلـيـمـي العــــام