جنوب الوادى يساوى كام ؟

المشاركة الأصلية كتبت بواسطة AHMEDZX0

انت بتقارن بين اسهم فاشلة جدا و اسهم ناجحة جدا - اش جاب جنوب الوادي للشمس و المتحدة - حرام عليك - بتقارن سهم قيمتة الاسمية 5 جنية و لم يتجاوز سعرة 3 اضعاف قيمتة الاسمية بسم قيمتة الاسمية 1.25 - و شوف سعرة بالسوق كام ضعف قيمتة الاسمية حوالي 15 ضعف - و قارن بين توزيعات جنوب الوادي و توزيعات المتحدة - ليس هناك مقارنة - جنوب الوادي في اقل من عامين ضاعفت راس مالها من خمسين مليون الي مليار و ميت مليون بتوزيعات مجانية و اكتتاب واحد - الكتحدة بقي بتصرف اية 30 قرش و ربع سهم مجاني - هو دة التوزيع ؟
لما تقارن سهمين ببعض - اختار سهمين قريبين من بعض في القوة المالية و القيمة الاسمية و الارباح و نسبة النمو - مش بين سهمين واحد فوق اوي و التاني تحت جدا و سعرة مبالغ فية جدا ؟
و بعدين المنتجعات وزعت من عدة شهور قليلة اسهم مجانية 2 لكل 3 ثم عملت اكتتاب ممتاز و اللي دخل فيها كسب ما لا يقل عن 20% من نقودة في اقل من 6 شهور - و لسة كمان هاتوزع حوالي نصف سهم مجاني قريبا جدا و قد اعلنت بالفعل عن هذا - و كفاية حجم تعاملاتها بالسوق - اعلي نسبة تداول علي الاطلاق يوميا - مالايقل عن 10 مليون سهم يوميا و كتير بيصل 20 مليون سهم - يعني انشط اسهم البورصة علي الاطلاق - و جنوب الوادي اعلنت انها هاتصرف سهم لكل ثلاث اسهم عن ارباح الستة شهور المنقضية - هايوصل راس المال ل مليار و نصف - في اية اكتر من كدة ؟
عارف اللي كان معاة سهم من سنتين بقوا كام سهم الان 2000 - الفين سهم بتوزيعات مجانية و اكتتاب واحد و هايوصلو لبعد التوزيع القادم لحوالي 2700 سهم - شوف بقي نسبة النمو كام ؟
ال100 اصبحوا 2700 سهم يعني تقريبا نسبة النمو 27 ضعف - فية سهم عمل كدة في البورصة كلها - معتقدش - دة غير انة سوف تقوم الشركة باول انتاج لمصنعها للاسمنت اول 2009 - و كمان هاتحتفظ بمحفظتها الاستثمارية التي حققت كل النمو دة من اصل 50 مليون جنية بس - حاجة و لا في الخيال - يعني مش هاتكون شركة اسمنت بس و كمان استثمارات مالية - معتقدش ان فية شركة بالبورصة ليها حجم هذا النشاط و كمان نسبة النمو دي كلها - اعتقد ان كلامي منطقي و غير مبالغ فية و بالادلة و اذا كان فية حد معترض علي كلامي فليقول الاسباب - مع ان كل من في المنتديات بينصحوا بالاستثمار في هذا السهم و الاحتفاظ بة - و شكرا

المشاركة الأصلية كتبت بواسطة dedo

السلام عليكم جميعا
ردا علي الاستاذ احمد احب ان اوضح له بعض المغالطات التي قالها في تحليله واتمني ان يتقبلها مني بصدر رحب:
اولا بالنسبه للتوزيع المجاني , الشركه قامت بالتوزيع من ارباح العام الماضي وارباح نصف العام الحالي وليس من ارباح نصف العام فقط لانه ببساطه ارباح نصف العام الحالي هي 210 مليون جنيه + ارباح العام الماضي 264 مليون جنيه = 474 مليون جنيه وهذا يعني يا استاذ احمد ان نصيب السهم حوالي 2 جنيه وبالتالي قامت الشركه بتوزيع ثلث سهم مجاني اي 170 قرش تقريبا من القيمه الاسميه للسهم وهذا يجرنا للنقطه الثانيه وهي الطريقه التي استخدمتها لحساب مضاعف الربحيه.
عندما تحسب قيمه الاسهم المجانيه لا تحسب بالقيمه السوقيه للسهم ولكن تحسب بالقيمه الاسميه لانه طبيعي السهم عند التوزيع لا يظل بنفس سعره والكل يعرف ذلك ولاننا لو استخذمنا طريقتك في الحساب فمعني ذلك انه عندما كان السهم = 100 جنيه ووزعت الشركه اربع اسهم مجانيه لو حسبناها بالقيمه السوقيه اي بالطريقه التي استخدمتها يبقي الشركه وزعت 400 جنيه وهذا يعني ان السعر المفروض يوصل الي 4000 جنيه!!!! ولا تنسي انه كلما يتم توزيع اسهم فان عدد الاسهم يزيد وبالتالي مضاعف الربحيه.
السعر الان في رائي الشخصي المتواضع هو سعر ممتاز للشراء لان السعر المستهدف للسهم من 20 الي 25 جنيه ولكن ليس 90 او 100 جنيه.
النقطه الاخيره واتمني ايضا ان يتسع صدرك ليها هي طريقتك في الرد علي بعض الاعضاء , لانه من حقك طبعا ان تنادي بشراء الاسهم الحلال والبعد عن الاشهم اللي فيها شبهه حرام من وجهه نظرك ولكن اعتقد انه ليس من حقك علي الاطلاق مهاجمه الاخرين لانهم يشترون في هذه الاسهم لانه في النهايه كل واحد حر ويتحمل مسئوليه نفسه واعتقد انه اذا اردت النصح له اسلوب افضل من ذلك الاسلوب الذي بنفر الكثير.
في النهايه تقبل تحياتي
هدانا الله واياكم
والسلام عليكم ورحمه الله.