تعلم كيفية إدارة محفظتك

google1 · 15-07-2007, 09:09 PM

موضوع اكثر من رائع لانة على اساس علمى ربنا يوفقك

StockWatch · 15-07-2007, 09:27 PM

بالنسبة لموضوع الأسهم اللى بتختارها،،،،
طبعا فيه ناس بتقول أن الأسهم الأفضل ماليا بتكون أفضل أداءا طبعا الموضوع ده برده يعتبر موضوع تقديري وكان فيه أمثلة كثيرة لأسهم كانت على قدر قليل من الكفاءة المالية وعملت طفرات سعرية كبيرة، لكن بصورة عامة الشغل هنا حايكون على الأسهم الجيدة ماليا ومافيش مشكلة مع متابعة أسهم سيئة ماليا لكن جيدة فنيا لكن بنكون عارفين أن النوعية دي من الأسهم بتكون عالية المخاطرة وعلى هذا الأساس بيكون حجمها من المحفظة قليل،

عموما نخلي كل وقت بوقته ودلوقتي نختار الأسهم اللى حانتابعها إن شاء الله.

قطاع الإتصالات:
المصرية للاتصالات - أوراسكوم تيليكوم - راية - موبينيل.

قطاع البناء:

أوراسكوم إنشاء - العز لحديد التسليح - حديد الدخيلة.

قطاع الأقطان:

عربية لحليج الأقطان - بوليفارا.

قطاع الخدمات المالية:

هيرميس - أولميبك جروب.

قطاع الإسكان:

مصر الجديدة للأسكان - مدينة نصر - اسكندرية العقاري - السادس من اكتوبر سوديك

قطاع السياحة:

المنتجعات ( مع التحفظ على التريند الدايلي) - مينا للاستثمار السياحي.

طبعا انا هنا مش بقول أن المحفظة حاتتكون من كل دول ، لكن دول اللى حانعمل عليهم الدراسة من أجل بداية اختيار الأسهم لبناء المحفظة.

StockWatch · 15-07-2007, 09:34 PM

نبدأ نحدد نسبة Risk-Vs-Reward لكل سهم لاختيار الأفضل إن شاء الله،،،،،

لكن قبل البداية يجب معرفة أن سواء كان التحليل الفني أو الأساسي أو الشاشة أو أي نوع من أنواع التحليل الغرض الأساسي منه هو حماية المحفظة من الخسائر قدر الإمكان وأعتقد أن الموضوع ده منطقي لأن فيه نسب بتقول أن 90% من المتعاملين في أسواق المال بيكونوا في زمرة الخسرانين و10% فقط هم اللى بيقدروا يكسبوا، يبقى المنطق من وراء استخدام تلك الأدوات هي المحاولة في الدخول ضمن نطاق ال10% من اللى بيكسبوا طبعا علشان كده لازم قبل استخدام أي أداة نبقى عارفين أن الغرض هو السير بخطوات منتظمة من أجل عدم الخسارة وليس من أجل المكسب، أو بمعنى أدق الحماية من خسارة رأس المال أو خسارة المكسب في حالة تحقيقه أو الحماية من ارتفاع نسبة الخسائر في حالة تحقيقها.

دي كانت معلومة هامة يجب معرفتها لأن من وجهة نظري الشخصية أنه لا مكان للأحلام في أسواق المال وإن كنت تريد الدخول في اللعبة يبقي لازم تبقى عارف قواعدها.

كلامي ممكن يضايق بعض الناس لكن هي دي الحقيقة للأسف.

StockWatch · 15-07-2007, 09:58 PM

Risk-Vs-Reward

التارجت اللى حانشتغل عليها حاتكون طويلة الأجل شوية للبعد عن مساوئ المضاربة قصيرة الأجل، والبيع يكون على المستهدف أو نقطة الستوب لوس، وطول ما السهم يسير في المسار المحدد له فإنه يعتبر جيد حتى يصل لهدف البيع سواء الإيجابي أو السلبي.

نبدأ بالأسهم:

المصرية للاتصالات ( سهم أب تريند ويكلي- سايد واي دايلي) - الهدف متوسط الأجل 21 نقطة الستوب لوس 17.30.

أوراسكوم تيليكوم ( سهم أب تريند منثلي - أب تريند ويكيلي بعد تخطيه مستوى 85)- الهدف في حالة تخطي 85 فإنه على المدى المتوسط 105 نقطة الستوب لوس 70.

راية: يفضل عدم الحديث عنها الآن.

موبينيل ( سهم أب تريند منثلي - أب تريند ويكلي - أب تريند دايلي)- الهدف على المدى المتوسط 225 و الستوب لوس 150.

أوراسكوم إنشاء وصناعة ( سهم أب تريند منثلي - ويكلي - دايلي) - لكن مع وجود بعض التحفظات على الوضع الحالي للسهم ولذلك لن يتم تحديد مستهدف له في الوقت الحالي حتى يتم التأكد من بعض النقاط.

العز حديد التسليح ( يتأكد الأب تريند فوق 70 جنيه على المستويات كلها منثلي - دايلي - وويكلي) وبالتالي فإن مستوى 70 جنيه يعتبر مقاومة قوي فسوف نعتبره كهدف الآن وبعد اختراقه لو حدث يبقي نشوف التارجت الجديد، مع ملاحظة أن 70 ليست الهدف الأول لأن فيه مقاومة هامة أياض قبلها وهي 60 جنيه ، وبالتالي فإن الهدف الأول 60 ثم 70 وبما أن الأهداف دي تعتبر أهداف قصيرة الأجل فإن نقطة الستوب لوس حاتكون قريبة أيضا وسوف نعتبرها عند 54.

باقي الأسهم بعد قليل إن شاء الله.

StockWatch · 15-07-2007, 10:30 PM

طبعا قبل ما أكمل لازم اقول أن Risk-Vs-Ratio مش مجرد تحديد التارجت والستوب لكن انا بس الأول بحدد المستهدفات والستوبات وبعدين نبدا حساب النسبة بعد كده إن شاء الله.

نكمل الأسهم:

عربية حليج ( سهم ماينفعش أقول عليه أب تريند على المنثلي لأن الأب تريند لازم يكون قيعان أعلى من بعض وده موجود فعلا و قمم أعلى من بعض و ده لسة مش موجود، يبقي الأب تريند على الميجور بالنسبة للعربية يكون بكسر 13.50 و لذلك حانعتبر ده الهدف بتاعنا على المدى المتوسط والطويل شوية- على الويكلي بيقول أن السهم عنده مشكلة عند سعر 10.13 يبقي حانعتبر أن ده الهدف الشورت تيرم لأنه قريب من السعر الحالي للسوق) بالنسبة للستوب لوس حاتكون 8.40 طول ما السهم تحت 10.13 و عندما يصعد السهم فوق 10.13 فنقطة الستوب لوس سوف يتم رفعها إلى سعر أعلى ولنا حديث في تلك النقطة إن شاء الله Protective Stop loss.

بوليفارا ( داون تريند كل الفريمات لكن مع اقترابه لدعم منثلي مافيش مانع من اللعب معاه مع الأخذ في الإعتبار ارتفاع درجات المخاطرة بصورة كبيرة- الستوب لوس 4.10)

هيرميس ( أب تريند على كل الفريمات) التارجت متوسط الأجل بإذن الله 65 و الستوب لوس 45.

أوليمبك جروب ( أب تريند على كل الفريمات مع بعض التحفظات سوف يتم عرضها لاحقا) لذلك فإن التعامل مع السهم على الأقل الآن كشورت تيرم تارجت وستوب (يعني نراقب الدايلي ) تارجت 71 (القمة السابقة) والستوب 61.

StockWatch · 15-07-2007, 11:19 PM

اقتباس:

المشاركة الأصلية كتبت بواسطة StockWatch

Risk-Vs-Reward

التارجت اللى حانشتغل عليها حاتكون طويلة الأجل شوية للبعد عن مساوئ المضاربة قصيرة الأجل، والبيع يكون على المستهدف أو نقطة الستوب لوس، وطول ما السهم يسير في المسار المحدد له فإنه يعتبر جيد حتى يصل لهدف البيع سواء الإيجابي أو السلبي.

نبدأ بالأسهم:

المصرية للاتصالات ( سهم أب تريند ويكلي- سايد واي دايلي) - الهدف متوسط الأجل 21 نقطة الستوب لوس 17.

أوراسكوم تيليكوم ( سهم أب تريند منثلي - أب تريند ويكيلي بعد تخطيه مستوى 85)- الهدف في حالة تخطي 85 فإنه على المدى المتوسط 105 نقطة الستوب لوس 70.

راية: يفضل عدم الحديث عنها الآن.

موبينيل ( سهم أب تريند منثلي - أب تريند ويكلي - أب تريند دايلي)- الهدف على المدى المتوسط 225 و الستوب لوس 150.

أوراسكوم إنشاء وصناعة ( سهم أب تريند منثلي - ويكلي - دايلي) - لكن مع وجود بعض التحفظات على الوضع الحالي للسهم ولذلك لن يتم تحديد مستهدف له في الوقت الحالي حتى يتم التأكد من بعض النقاط.

العز حديد التسليح ( يتأكد الأب تريند فوق 70 جنيه على المستويات كلها منثلي - دايلي - وويكلي) وبالتالي فإن مستوى 70 جنيه يعتبر مقاومة قوي فسوف نعتبره كهدف الآن وبعد اختراقه لو حدث يبقي نشوف التارجت الجديد، مع ملاحظة أن 70 ليست الهدف الأول لأن فيه مقاومة هامة أياض قبلها وهي 60 جنيه ، وبالتالي فإن الهدف الأول 60 ثم 70 وبما أن الأهداف دي تعتبر أهداف قصيرة الأجل فإن نقطة الستوب لوس حاتكون قريبة أيضا وسوف نعتبرها عند 54.

باقي الأسهم بعد قليل إن شاء الله.

StockWatch · 15-07-2007, 11:33 PM

أعتذر بشدة أن الكتابة في المنتدى بتأخد وقت طويل قوي مني، عموما هو المهم بالنسبة لي أن الناس تتعلم الموضوع مش مهم موضوع المحفظة لو وقتي لن يسمح بده شوفوا كده انا طبقت شوية حاجات على المصرية وتيليكوم

المصرية للاتصالات:

سعر التكلفة المتوقع ما بين 18.20 و 17.90 و نفترض أن السعر التكلفة حايكون المتوسط بين السعرين دول يبقى سعر المقارنة بالتارجت والستوب يكون 18 جنيه،
التارجت 21 – 18 = ( 3 \ 18 ) * 100 = 16%
الستوب لوس 18 – 17 = ( 1 \ 18) * 100 = 5%

إذا الربح المتوقع أعلى من الخسارة المتوقعة يبقي السهم عند المستويات دي كويس إن شاء الله وأقل مخاطرة

أوراسكوم تيليكوم:

سعر التكلفة المتوقع ما بين 75.50 و 78.50 فالسعر المتوسط للمقارنة ممكن يكون عند حوالي 77 لأنه أقرب لسعر الإغلاق اليوم.
التارجت 85 – 77 = (8\ 77)*10%= 10%
التارجت الثاني في حالة تخطي مستوى 85 سوف يكون 105 فالحساب يكون كالتالي:
105- 85= 23%

الستوب لوس الخاصة بالهدف الأول = 77 – 70= (7\77)*100= 9%

الشورت تيرم بيقول أن السهم ربحه المتوقع 10% و خسارته المتوقعة 9% يبقي الربح تقريبا يساوى الخسارة يبقى نعرف أن الوضع خطر شوية لأن ده معناه أن الفرص متساوية بالنسبة للصعود والانخفاض، لكن بعد كسر 85 لاقينا أن نسبة الربح المتوقعة على المدى المتوسط ارتفعت من نقطة 85 إلى 23% في حين أن الستوب لوس مش حايكون كبير بنفس قدر الربح المتوقع

طبعا المفروض بعد ما نخلص كل الأسهم نبدأ نقارن كل سهم بالثاني ونشوف قدر المخاطرة المتحملة وبعد الاختيار نبدأ نشوف الكميات المناسبة للشراء.

أعتذر مرة أخرى أن وقتي لم يسمح و كمان أحب اشوف التعليقات،،،شكرا.

ابن سيناء · 16-07-2007, 08:58 PM

السلام عليكم ورحمة الله
عاوز تعرف تعليثى
الموضع جميل جدا جدا جدا وجديد جدا ومشوق جدا وياريت لو تكمله ,,,,,,, ارجوك
وكمان حنهريك اسئله بسش كمل من فضلك

وسلام عليكم

ناجى درويش · 17-07-2007, 07:30 PM

عزيزى Stock Watch

بعد التحية

أن الموضوع الذى تتناوله استحوذ على اعجابى بصورة يصعب تخيلها وأتمنى قراءة المزيد من هذا الفكر المرتب المحترم

ابن سيناء · 17-07-2007, 11:12 PM

استاذ stock
انت فين يا باشا مكملتش ليه ؟؟؟؟؟؟؟؟؟؟

احنا فى انتظارك

تعلم كيفية إدارة محفظتك

= مـنـتــدى الـميتـاسـتوك