رد : تعلم كيفية إدارة محفظتك
نكمل،،،،
وصلنا لمرحلة تحديد كمية السيولة من المحفظة اللى حاندخلها السوق،،،،
قلنا إني وأنا ببدأ بناء المحفظة بحدد كام في المية من المحفظة ممكن أتحمل خسارتها، وفي المثال بتاعنا قلنا 5%،
في المثال قلنا إن المحفظة تساوى 100,000، خلي بالك بقي من الخطوات اللى جاية شوية:
حددنا مستوى الخسارة المقبولة من المحفظة ب5% يبقي حجم الفلوس اللى ممكن اخسرها من ال100,000 تساوي = 100,000 * 5% = 5,000 جنيه فقط لا غير.
أكثر من كده خسارة غير مقبولة بالمرة، زي ما قلتلك لازم تبقي معووج على السوق لأنه حايتعوج عليك،
طيب بعد ما حددنا حجم الخسارة المقبولة كبداية لبناء محفظة جديدة، نروح للحسابات القديمة بتاعة الأسهم ونبص على مستوى الخسارة المتوقعة منهم،
في المثال بتاعنا قلنا إننا مثلا قررنا نشتري المصرية للاتصالات واوراسكوم تيليكوم،
وقلنا إن المصرية للاتصالات مستوى الخسارة المتوقعة من المصرية للاتصالات 5%
و من اوراسكوم تيليكوم على المدى القصير 9%، لكن بنكون دايما فاكرين ان تيليكوم عندها محطتين واحنا لسة فيها في المحطة الأولى وطول ما احنا في المحطة الأولى فالمصرية بالحسابات بتاعتنا أقل مخاطرة من تيليكوم لكن الوضع بينقلب لو تيليكوم عدت 85 ساعتها الوضع ممكن يكون في صالح تيليكوم، طيب حنتعامل على اللحظة الموجودة دلوقتي دلوقتي نسبة الخسارة الأقل بتاخد نسبة أعلى من المحفظة ونسبة الخسارة الأكبر بتاخد نسبة أقل من المحفظة، بمعنى حتى هذه اللحظة الخسارة المتوقعة من المصرية 5% والخسارة المتوقعة من تيليكوم 9% يبقي حتى هذه اللحظة المصرية حاتكون بكمية أكبر من قيمة تيليكوم حتى ارتفاع تيليكوم للمرحلة الثانية، هنا بيكون الوضع في ايدك والله لو انت مثلا شايف ان فيه فرصة ان السهم ذو الخسارة الأكبر فيه فرصة أنه يلم نفسه ويعمل حاجة كويسة يبقي ممكن نعطي لكل سهم من الأثنين وزن متساوي في المحفظة، وفي تلك الحالة بنحسب متوسط الخسارة بين السهمين، يبقي 5% + 9% = 14% ونقسمها على 2 فحاتكون الخسارة المتوسطة للسهمين تساوي 7.5%.
معنى 7.5% ايه؟
معناها إني لو اشتريت كمية من كل سهم بصورة وزن متساوي في المحفظة ورؤيتي للسهم طلعت غلط واضطريت ابيع على الستوب لوس فإن الخسارة في كل عملية في العمليتين 7.5%.
اوعى حد يتوه مني، احنا كل ده بنحسب حجم السيولة اللى المفروض تدخل السوق، وقلنا إن أقصي مبلغ محتمل خسارته هو 5.000 جنيه من المحفظة كلها اللى هي 100,000 جنيه، طيب المسألة الرياضية دلوقتي وقعت في إني لو خسرت 7.5% في السهمين المفروض إن الخسارة 5.000 جنيه فقط، يبقي أصل رأس المال اللى جوة اسوق كاااااااام ؟؟؟؟؟؟؟؟ ههههههههههههههههههههههه انا عارف ان العملية شكلها صعب بس هي سهلة قوي ركز شوية في الحتة اللى جاية،
كام المبلغ اللى 7.5% منه تساوى 5,000 جنيه، هي دي الحسبة ببساطة، يبقي حانعمل ايه؟،
حانقسم 5,000 جنيه على 7.5%، تبقي النتيجة = 5,000 \ 7.5% = حوالي 66,000 جنيه،
يبقي حجم المحفظة اللى حايدخل السوق هو 66,000 جنيه ليه؟؟
7.5% من 66,000 = 4950 اللى هي تساوى حوالي 5,000 جنيه اللى هي 5% من المحفظة الأصلية اللى هي 100,000 جنيه.
نكمل كمان دقيقة إن شاء الله، بس لازم اشوف تعليقات الله يكرمكم علشان أعرف انكم فهمتم.
|
العرض العادي
