استرجع الويندز فى عشرة دقائق

moataz59 · 07-04-2008, 05:33 PM

استرجع الويندوز فى عشرة دقائق

شرح برنامج Norton Ghost Symantec Ghost

1 – ضع اسطوانة Hiren's Boot CD9-2 فى الجهاز

2 – اعمل ريستارت

3 – هايظهر لك اختارين اختار Start Boot CD

4 – سيظهر لك شاشة Dos سوداء بها قائمة :
اختار DISK CLONE TOOLS
سيظهر شاشة اخرى اختار منها :
NORTON GHOST 11.0.1
سيظهر شاشة أخرى اختار منها :
GHOST NORMAL

5 – سيبدأ الجهاز فى تحميل بعض الملفات اتركه يعمل اوتومتيك

6 – سيظهر لك شاشة البرنامج المطلوب واسمه SYMATEC GHOST اضغط OK

7 – ستظهر قائمة على الشمال بها اختيارات اختار منها بالترتيب:
LOCAL
PARTITION
TO IMAGE

الفكرة انك عايز تنسخ بارتيشن C بالكامل وتحوله الى ملف من نوع GHO الذى يستطيع البرنامج التعامل معاه مستقبلا

8 – سيظهر لك نافذة فيها الهارد دسك بتاعك أو أكثر على حسب عددهم اذا كان واحد فقط اضغط OK لو أكثر اختار أول واحد
واضغط OK

9 – يعنى بأقول للبرنامج هو ده الهارد اللى عليه البارتيشن اللى انا عايز أنسخه

10 – سيظهر لك محتويات الهارد عدد الاجزاء اللى عليه طبعا أول واحد فيهم غالبا هو C اللى احنا عايزين ننسخه اضغط عليه ثم OK
يمكن مايظهرلكش اسمه على انه C لكن المفروض انك هاتعرفه على الاقل من حجمه أو نوعه

11 – ستظهر نافذه بتسألك عايز تحفظ الملف الذى سيتم انشاؤه فين ؟؟؟ هاتختار بارتيشن ثانى يكون عليه مساحه كبيرة فاضيه لان حجم الملف سيكون كبير ( أنا عندى 5 جيجا ) على حسب البرامج اللى انت منزلها على الجهاز وممكن التعرف على البارتشن من فتح محتوياته لزيادة التأكد من انك هاتحط الملف الجديد فين وستقوم بتسميته باسم له دلالة بالنسبة لك وليكن تاريخ علشان لو هاتعمل مستقبلا أكثر من واحد. وذلك فى الخانة المخصصة للاسم ثم اضغط حفظ SAVE

12 – سيسألك البرنامج عايز تنسخ الملف high اضغط عليها ثم ok

13 – البرنامج الآن بيقوم بصنع ملف من نوع GHO عليه بارتشن C بالكامل
بعد الانتهاء ستجد هذا الملف موجود فى المكان اللى انت اخترته

كيف تستفيد من هذا مستقبلا.... لاقدر الله لو حصل أى شيىء فى الجهاز يمكنك استرجاعه الى نفس الوضع اللى كان عليه ساعة ما أخذت هذه النسخة بدون ماتعمل أى شيىء آخر من فورمات أو تنزيل الويندوز أو حتى البرامج الاخرى ....الجهاز صورة طبق الاصل كما كان
ويستحن أنك قبل ماتقوم بهذه العملية أن تقوم بتنظيف الجهاز أقصد بالبرامج المساعدة مثل defregment وحذف الملفات المؤقته من الانترنت
اكسبلورر وهكذا ... عملية ترتيب وتنظيف وكمان لو حبيت استخدام انتى فايروس علشان تبقى النسخة اللى اخذتها نظيفة تماما
والآن كيف نستفيد من كل هذا ... زى ماقلت ...لاقدر الله لو حصل حاجة للويندوز وعايز ترجعه زى ماكان بس هايبقى زى ماكان ساعة مأخذت الملف
1 – ضع اسطوانة Hiren's Boot CD9-2 فى الجهاز

2 – اعمل ريستارت

3 – هايظهر لك اختارين اختار Start Boot CD

4 – سيظهر لك شاشة Dos سوداء بها قائمة :
اختار DISK CLONE TOOLS
سيظهر شاشة اخرى اختار منها :
NORTON GHOST 11.0.1
سيظهر شاشة أخرى اختار منها :
GHOST NORMAL
5 – سيبدأ الجهاز فى تحميل بعض الملفات اتركه يعمل اوتومتيك
6 – سيظهر لك شاشة البرنامج المطلوب واسمه SYMATEC GHOST اضغط OK
7 – ستظهر قائمة على الشمال بها اختيارات اختار منها بالترتيب:
LOCAL
PARTITION
FROM IMAGE

المرة دى مش هاننسخ..... المرة دى هانستخدم الملف اللى عندنا علشان نحطه على بارتيشن ال C عملية احلال
8 – سيظهر لك نافذة فيها الهارد دسك بتاعك أو أكثر على حسب عددهم اذا كان واحد فقط اضغط OK لو أكثر اختار أول واحد
واضغط OK
9 – يعنى بأقول للبرنامج هو ده الهارد اللى عليه الملف اللى انا عايز استرجعه
10 – سيظهر لك محتويات الهارد عدد الاجزاء سنختار البارتيشن اللى عليه الملف اللى عايزه
11 – نختار بعد كدة الملف اللى انت عايزه
12 – هايسألك البرنامج عايز تحطه فين قول له على ال C البارتيشن الاولانى.... حايديلك رسالة تحذير انه سيقوم بالغاء كل المحتويات اللى
على البارتيشن قوله OK وماتخفش أدخل برجلك اليمين
بعد الانتهاء والخروج من البرنامج طلع الاسطوانة
وأعد تشغيل الجهاز ستجده بحول الله وقوته كما كان ساعة ماأخذت نسخة هذا الملف بالضبط وبنفس الشكل كل حاجة .....
بصراحة برنامج رائع... لاتشيل ولا تودى الجهاز لحد علشان ينزلك الويندوز اعمل انت كل حاجة بنفسك وبدون تعب 10 دقائق فقط

أرجو أن يكون قد وفقنى الله فى شرح الموضوع وعذرا اذا كان هناك أى أخطاء

الـزيـبـق · 07-04-2008, 06:20 PM

جزاك الله خير

moataz59 · 07-04-2008, 10:20 PM

اقتباس:

المشاركة الأصلية كتبت بواسطة الزيبق

جزاك الله خير

استاذى الفاضل الزيبق ألف شكر على مشاركة سيادتك

anaas · 08-04-2008, 08:32 AM

[align=center]أخـي

الفــاضل

moataz59

بارك اللـه فيك ونفع بعلمك

بصراحه موضوع رآآآآآآئع من أخ محب للخير

يعطيك الف الف عــافيــــه

دمـــــت بـــــــود

أخوووووووك

أنــس

[/align]