Case 30 .. وجهة نظر بسيطة قابلة للمناقشة

هذه مجرد وجهة نظر قد تكون صحيحة أو خطأ .. و هى قابلة للتصحيح و المناقشة


نرجع كام أسبوع كده و نبص على المؤشرات

كان واضح الإنفراج السلبى بين كيس 30 و مؤشر ماكد و مؤشر آر إس آى و اللى كان بينذر بهبوط قريب

و إتأكد طبعاً بالنزول المستمر الأيام اللى فاتت زى ما هو واضح فى الشارت ده




و كان فيه كمان وتد صاعد تم كسره

و لو حقق 100 % من مستهدفه لا قدر الله هيبقى 10.000 تقريباً زى ما هو واضح فى الشارت




طيب دلوقتى إحنا فين بالظبط

ممكن نبص على الشارت ده



هنلاقى إن كيس إحترم نقطة 50 فيبوناتشى و وقف عندها أمس

و صعد منها اليوم و لكن رجع تانى و قفل تحتها

يبقى كده .. بكره أمامه حل من إتنين

إنه يحاول يطلع فوقها تانى و يقول إن الكسر ده كان مش حقيقى

أو يأكد لنا كسر النقطة دى و نتابع معاه النقطة الجاية 62 % فيبوناتشى

و هى النقطة الأقوى على الإطلاق عند 10430 تقريباً " نقطة فيبوناتشى الذهبية "


لا قدر الله لو كيس لم يرتد من النقطة دى إيه اللى هيحصل ؟

نشوف الشارت الجاى



هنلاقى إن فيه 3 خطوط بتشكل دعوم قوية للمؤشر

أول دعم هو الخط رقم 1 عند 10400 و هو تقريباً النسبة الذهبية لفيبوناتشى

تانى دعم هو الخط رقم 2 عند 9850 تقريباً

الدعم الأخير و الأقوى هو دعم الترند الصاعد منذ 2006 و حتى الآن و هو الخط رقم 3 عند نقطة 9300 تقريباً


ما يدعو للتفاؤل :

بعض الشراء الخفيف من قبل الأجانب فى بداية الجلسة لأول مرة منذ بدء الهبوط

قلة حجم البيع بالنسبة للأجانب عن الأيام السابقة

المؤسسات بدأت فى الشراء اليوم و تكوين مراكز جديدة

البيع الذى تم اليوم قد يكون موجة جنى أرباح لمن إشترى أمس فى أسهم لديه لتحسين المتوسط

الفوليوم اليوم أقل فوليوم منذ بدء الهبوط و قد يوحى هذا بإنخفاض حدة البيع

تأكيد الحكومة أمس على عدم فرض ضرائب على البورصة حالياً

بعض الأسهم اليوم لم تصل إلى الأسعار التى وصلت لها نزولاً أمس

بدء صعود البورصات العالمية و قد تغلق اليوم على إرتفاع جيد يدفع بالمؤشر غداً إلى أعلى

شمعة كيس اليوم و هى شمعة هامر مقلوبة و التى تدل على عكس الإتجاه كما هو موضح بالشارت




ما يدعو للحذر :

أن الأجانب ما زالوا مستمرين فى البيع بالرغم من إنخفاض نسبة البيع اليوم

ما زال السوق فى مرحلة هبوط و لم يثبت لنا أن النزول قد إنتهى تماماً


إذن المطلوب :

أن يصعد المؤشر غداً من المنطقة الحالية

أو أن يحترم المؤشر دعمه القوى عند 10430 و التى قد تكون هى نهاية الهبوط

أن تتدخل قوى شرائية تتمثل فى المؤسسات و الأجانب لتكوين مراكز شرائية جديدة


لمن خارج السوق

الإنتظار أفضل حتى تتضح الرؤية إلا لو كنت تجيد المضاربة بإحتراف أو إذا كنت مغامر

لمن داخل السوق

محاولة لعمل تريدات لتقليل الخسائر مع إحترام النقاط الهامة للمؤشر التى ذكرناها فى حالة النزول

و هى على التوالى 10430 - 10.000 - 9850 - 9300