شــارت...ورؤيـــة...ونـقــــااااش

أبو زياد(التونسى) · 01-07-2008, 10:09 PM

اقتباس:

المشاركة الأصلية كتبت بواسطة Tarek Gaafer

عايزين رايك يا باشا فى النموزج الهولامى ده ........مش عارف ليه شكله كده حيبوظه بعد ما رسمه لان المستهدف اهبل جدااااااااا

مش هو لوحده اللى مستهدفه اهبل ...انت خايف تقوله ولا ايه ....مستهدفه40

طب ومستغرب ليه ...خد عندك شوية من الخزعبلات الموجودة على الشارتات حاليا

بوليفارا ...نفس النموذج مستهدفه 1 !!!!!اى نعم واحد جنيه لاغير
العربية حليج ...نفس النموذج مستهدفه 4 جنيه

وغيرهم كتيييير بس كفاية كده عشان نحافظ عالشوية الموجودين عندنا قبل ما دماغنا

تفتكر وجود الخزعبلات ده معناه ايه ؟؟

عارف عاملة زى واحد ناصح شايف السهم بيتداول مثلا ب10 جنيه يروح مستعبط وحاطط فيشة طالب فيها مليون سهم على جنيه مثلا!!! تفتكر ده معناه ايه ؟؟

على فكرة موضوع النماذج الخزعبلية ده اتكونت من فترة كده لو فاكر ومنها بوليفار برده وكان مستهدفه ساعتها تحت الصفر وطيعا ده كانت بداية تجميع السهم وكان النموذج عبارة عن ضغط تجميعى مش اكتر لان السهم انطلق بعدها بفترة بس طويلة شوية من ال4.5 لل14 بس طبعا على موجات صعود مش مرة واحدة

مش عارف شامم ريحة كوسة ليه ...انت شاممها ولا انا حاسة الشم عندى باظت

أبو زياد(التونسى) · 01-07-2008, 10:18 PM

اقتباس:

المشاركة الأصلية كتبت بواسطة A_Aziz

أهلا بالأخ العزيز أبو زياد التونسي وبإذن الله تكون مبسوط معانا

اقتباس:

المشاركة الأصلية كتبت بواسطة red man

مرحبا بالاستاذ الكبير ابو زياد اتمنى لك كل التوفيق والخير

جزاكم الله كل خير ومتشكر جدا على ترحيبكم وذوقكم

عمرو ابوالاخبار · 01-07-2008, 10:27 PM

السلام عليكم ممكن تحليل النصر للمحاصيل والمنصوره وايبيكو يا ابو زياد

أبو زياد(التونسى) · 01-07-2008, 10:59 PM

اقتباس:

المشاركة الأصلية كتبت بواسطة أبو زياد (التونسى)

ده نظرة من بعيد للكيس30
اظن الشارت شارح نفسه ومش محتاج تعليق فعلا
المؤشر ماشى داخل قناه صاعدة موضحة باللون البنى (ده قناة استاندرد ايرور شانيل ) ومحافظ على السير داخل القناه منذ يوم28/1/2007 حتى 13/5/2008
لاحظ الفترة الاخيرة وخروج المؤشر من القناه
تعالوا نقرب الصورة شوية

ده صورة مقربة اكتر
شوف المؤشر لما خرج من القناه عمل ايه ...نزل لغاية ال10160 وطلع بعدها يختبر الحد السفلى للقناه تانى وحاول يدخل داخل قناه الاستاندرد وكرر محاولته مرتين وفشل
بعدها بدأ ينزل وكون قمم اقل وقيعان اقل وفى نزوله رسم وتد هابط (موضح باللون الازرق ) النموذج شروطه اكتملت بخمس نقاط تماس ولكن دون اشارة اختراق حتى الان
توقعى الشخصى الذى قد يخطأ اكثر منه ان يصيب ...ان المؤشر هايحاول تانى يصعد يختبر الحد العلوى للوتد خلال الايام القادمة بس ما اعتقدش انه هايقدر يخترقه لفوق لضعف القوى الشرائية الموجودة حاليا وبجانب الظروف العالمية السيئة وده هايخلى المؤشر يبدأ ينزل لتحت للحد السفلى (المنطقة بين ال9000 وال9500 ) وده هاتبقى منطقة الارتداد المتوقعة واعتقد ان ده هايبقى اخر قاع للسوق فى الفترة ده باذن الله

الخلاصة...اى صعود قادم طالما تحت ال10875 اخر قمة فهو صعود تصريفى وفرصة للبيع اكثر منها للشراء

بسم الله الرحمن الرحيم

بداية التقرير القادم جزء لا يتجزأ من رؤيتنا السابقة وخصوصا الجزء الخاص اننا على المدى المتوسط تريند هابط وكل صعود قادم هو فى الغالب صعود تصريفى وتصحيحى للموجة الهابطة السابقة عليه

واننا لن ندخل السوق دخولا صريحا الا بتحقق احدى الاشارات التالية احداها او جميعها او بعضها

1) اختراق السوق لخط متوسط ال200 يوم والاعتلاء فوقه تماما
2) تحقيق قمة اعلى من قمة وقاع اعلى من قاع
3) تكون احد النماذج الانعكاسية للتريند الهابط واكتماله وتاكيد اختراقه لاعلى

وعليه عدم تحقق احد الشروط السابقة معناه اننا ما زلنا مستمرين فى التريند الهابط على المدى المتوسط وكل صعود ما هو الا صعود تصريفى وفرصة للبيع اكثر منها للشراء ...

الان تقريرنا القادم يشير الى مجموعة من الاسهم ابدت بعض اشارات الارتداد سواء شموع ارتدادية او تماسكها عند خطوط تريند او احد الخطوط التصحيحية لفيبوناتشى ومعظمها مازال يحتاج الى تاكيد جلسة اخرى

ونركز ونكرر ان اشارات الدخول تلك للمضارب المحترف ولمجرد تريدة عالية الخطورة تحتاج الى سرعة اتخاذ القرار ومتابعة مستمرة للشاشة

اسهم ابدت بعض اشارات الارتداد وتحتاج الى تاكيد خلال متابعة الجلستين القادمتين
هانلاحظ ان نقاط وقف الخسارة قريبة جدا من نقاط دخولنا لتقليل المخاطرة

ابو قير للاسمدة... وقف الخسارة اغلاق اسفل ال245

اكرو مصر للشدات (وقف الخسارة اغلاق اسفل ال80)

الاسكندرية لتداول الحاويات ... ...وقف خسارة مؤكد كسر ال220 لمستهدفات بعيييييدة

الاسكندرية للغزل... وقف الخسارة الاغلاق اسفل ال2.75

البنك التجارى...مع الوضع فى الاعتبار الشبهة الشرعية ولكن لاهميته بالنسبة للمؤشر (نسبته10%) وضعناه فى التقرير ....وقف الخسارة الاغلاق اسفل ال81

الدلتا للسكر......وقف الخسارة الاغلاق اسفل ال36

الزيوت المستخلصة......وقف الخسارة الاغلاق اسفل ال2.95

موبينيل...اشارة الدخول تاكيد الاغلاق فوق ال167

العامة للصوامع... وقف الخسارة الاغلاق اسفل ال51

العز لحديد التسليح ......وقف الخسارة الاغلاق اسفل ال79

القابضة الكويتية..وقف الخسارة الاغلاق اسفل ال2.9

لكح .....وقف الخسارة الاغلاق اسفل ال1.23

القاهرة للاسكان ......وقف الخسارة الاغلاق اسفل ال23

القاهرة للدواجن......وقف الخسارة الاغلاق اسفل ال61

القومية للاسمنت ......وقف الخسارة الاغلاق اسفل ال28.5

ايبيكوا .......وقف الخسارة الاغلاق اسفل ال30.5

المصرية للاتصالات... وقف الخسارة الاغلاق اسفل ال15.60

بسكو مصر......وقف الخسارة الاغلاق تحت ال29

المنتجعات... وقف الخسارة الاغلاق اسفل ال6

النيل لحليج الاقطان ...وقف الخسارة الاغلاق اسفل ال28

الوطنية للاسكان للنقابات..وقف الخسارة الاغلاق اسفل ال47

اوراسكوم تيليكوم تحتاج الى الاغلاق فوق ال69.5 (مع ان سعره فى الجى دى ار الان 67 ) ...وقف الخسارة الاغلاق اسفل ال66

اوراسكوم انشاء... تحتاج لتاكيد والحفاظ على الاغلاق فوق ال367 (للاسف سعره فى الجى دى ار الان يوازى 359) وقف الخسارة الاغلاق اسفل ال353

جنوب الوادى للاسمنت .....وقف الخسارة 30

سيدى كرير...وقف الخسارة الاغلاق اسفل ال20

شمال الصعيد.. وقف خسارة الاغلاق اسفل ال32.5

طلعت مصطفى ...وقف الخسارة الاغلاق اسفل ال8.9

ميراكو...وقف الخسارة الاغلاق اسفل ال65

مصر للزيوت ..وقف خسارة الاغلاق اسفل ال28

مطاحن شرق..وقف الخسارة الاغلاق اسفل ال38

مطاحن مصر الوسطى..وقف الخسارة الاغلاق اسفل ال26.5

مطاحن وسط ...وقف الخسارة الاغلاق اسفل ال48

رجاااااااااء قراءة التقرير بعناية شديدة

marawan111980 · 02-07-2008, 03:01 AM

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

tito2000 · 05-07-2008, 07:24 PM

مرحبا بك ابو زياد فى المنتدى

tito2000 · 05-07-2008, 07:25 PM

السلام عليكم

tito2000 · 05-07-2008, 07:28 PM

لو ممكن يا ابو ذياد رؤيتك لسهم بايونيرز هل فعلا متوقع له اننا نشوف 40 جنيه ولا كلام وايه مضاعفات الربحيه اللى هو ماشى بيها دلوقتى وطلب اخير لو سمحت ايه رايك فى المهن الطبيه انا شارى بـ 28.49 ومستهدفات السهم ايه فى ظل ظروف السوق دلوقتى

أبو زياد(التونسى) · 05-07-2008, 11:18 PM

سوديك...

السهم احنا كنا محددينله وقف خسارة من زمان بكسر ال186 لان النقطة ده كانت نقطة اختراق لنموذج دابل توب مستهدفه بعيد نسبيا حول ال126 (النموذج ده من اوائل الاسهم اللى بدات تدى تحذير من السوق ككل )

السهم حاليا بقاله فترة يحاول التماسك حول نقطة دعم اخرى عند ال160 وحددنا كسرها ايضا بنقطة خروج لمن لم يستطع الخروج عند النقطة المحددة سابقا ..حتى الان السهم لم يؤكد كسر مستوى الدعم اللى بيحوم حول ال160 وان كنا ايضا نفضل الخروج لو اغلق جلسة اخرى تحت ال160

اول دعم قادم بعد ال160 يدور حول ال151 السهم هايقابل عندها تريند صاعد على الويكلى وده نقطة مش سهل كسرها وبرده موجود عندها دعم افقى قوى (عند مقابلة التريندات الرئيسية زى الحالة ده بننسى مستهدف النموذج مؤقتا ونراقب السهم عند التريند ونشوف هايعمل ايه )

لو تم كسر ال151 لا قدر الله يبقى مفيش بعدها غير ال143 ثم مستهدف النموذج عند ال126

يبقى باختصار نقاط الدعم القادمة 160ثم151 ثم143ثم126 تاكيد كسر كل نقطة يؤدى بالسهم للى بعدها

مقاومات السهم على الشارت 170 ثم185 ثم200 تاكيد كسر كل مقاومة يؤدى بالسهم الى النقطة التالية

والله اعلى واعلم

أبو زياد(التونسى) · 05-07-2008, 11:21 PM

اقتباس:

المشاركة الأصلية كتبت بواسطة أبو زياد (التونسى)

ايه اى سى ...
ماسة قمة(دياموند توب ) ..بصراحة الشارت يحتاج الى كثير من الشرح لتوضيح الرؤية فارجوا التركيز الشديد حتى يتم توصيل الرؤية بصورة صحيحة والله المستعان
اولا شرح نموذج الدياموند توب بشكل عام
هو نموذج انعاكسى ياتى غالبا فى نهاية الاتجاه الصاعد ولكن لا يتم تأكيد وتغيير الاتجاه الا باختراق الحد السفلى الايمن للماسة ومن ثم اختراق قاع الماسة التى تمثل فى ذلك الوقت منطقة دعم شديدة جدا لا يسهل كسرها بسهولة (3.55 فى مثالنا فوق )
مستهدف الماسة يقاس بطريقتين بعد تأكيد الاختراق بالطبع :
الاولى عند بداية النقطة اللى بدأ يطلع منها السهم وكون الدياموند ( هنا فى هذا الشارت مشار اليها بالسهم الازرق وتقع عند ال2 جنيه وما يرجح ذلك الاحتمال اكثر هو وجود جاب او فجوة لم تغطى حتى الان وهى تعمل مثل المغناطيس تشد اليها السهم ولن تهدأ بالهاالا بتغطيتها باى شكل من لاشكال سواء بنزول السهم اليها او حدوث تقسيم او اكتتاب او توزيع مجانى ايا ما كان الشكل المهم ان تغطى الجاب ولو بعد حين )
الطريقة الثانية لقياس مستهدف الماسة عندما يطرح قيمة قاع الماسة من قمتها (7.38-3.55 = 3.83 ثم يطرح الفرق من نقطة اختراق الحد السفلى للماسة لكى نحصل على المستهدف )
طب ايه الجديد فى موضوع الماسة
ان هناك احتمال قائم ان يتم اختراق الماسة لفوق وده بعد كده هايبقى له مستهدفات عالية جدا وهايتم اضافة الفرق اللى احنا حسبناه فوق اللى هو 3.83 الى نقطة اختراق السهم للماسة (اختراق الحد العلوى ) وبعد كده الماسة هاتبقى منطقة دعم قوى جدا للسهم لفترة طويلة جدا تقترب من سنة
طب اين نحن الان فى الايه اى سى
هناك منطقة تريدات واسعة للسهم ممكن تكسب منها دهب حاليا السهم ابدى اشارة ارتداد من الضلع السفلى للسهم غالبا لو عدى ال5.3 يبقى هايروح لل5.95 وبعدها يقابل الحد العلوى للماسة ونشوف ساعتها اذا كان هايقدر يعديها ولا هاينزل لتحت تانى

المهم تخلى دايما النموذج ده قدام عينيك لانه خطر جدا ومستهدفاته سواء فوق او تحت كبيرة جدا وما نقدرش نرجح اى السيناريوهين هايتحقق احنا مفيش حاجة قدامنا غير المتابعة والمراقبة طبقا للمعطيات الجديدة

اقتباس:

المشاركة الأصلية كتبت بواسطة saso

السلام عليكم

ممكن استاذ ابو زياد راى حضرتك فى اى سى والمشروعات الصناعية ؟؟

بارك الله فيك

تحليلنا السابق للايه اى سى الموضح بعاليه مر عليه شهر الان تقريبا ومازلنا متمسكين به رغم اختلاف البعض معنا حول وجود الماسة من عدمه او وجود راس وكتفين مركب (مع العلم ان معظم الماسات يتواجد بداخلها راس وكتفين بالفعل )

تعالوا نشوف ايه الجديد النهاردة

الماسة للاسف تم اختراقها لاسفل بالفعل ...المحطة القادمة الهامة جدا هى ال3.55 سواء كان النموذج ماسة قمة ام راس كتفين مركب فهى تمثل نقطة محورية للنموذجين ....كسرها غالبا هايؤكد اتجاه السهم الى تغطية الجاب اولا كمستهدف اول ( عند ال2 جنيه ) وساعتها نبقى نشوف اللى بعد كده
المهم الان مراقبة السهم عند ال3.55 ...من المحتمل انه يحاول يصعد يختبر خط تريند مكسور لغاية ال4.77 بحد اقصى وساعتها هاتبقى فرصة بيع للى معاه (وممكن ما يحصلش ويكمل هبوط كل شئ وارد )
ملحوظة: انا غير متابع لاى اخبار بخصوص السهم سواء اكتتابات او دخول مقصورة او اى شئ ..ياريت كل واحد يحاول يرسم صورة كاملة عن سهمه من اكثر من ناحية قبل اتخاذ اى قرار

اقتباس:

المشاركة الأصلية كتبت بواسطة أبو زياد (التونسى)

المشروعات الصناعية

السهم الان يقف عند احد خطوط التريند القوية واخر شمعة ايجابية ولكن تحتاج الى تاكيد

وقف الخسارة الاغلاق اسفل ال40

شــارت...ورؤيـــة...ونـقــــااااش

= مـنـتــدى الـتــحـلـيـل الـفـنـي