نصيحة مخلصة للجميع

akmal · 10-07-2008, 01:45 AM

اقتباس:

المشاركة الأصلية كتبت بواسطة popos

اسفة انا عرفة ان المبتدئين امثلى متعبين شوية ولكن ممكن تضرب لى مثال عملى مثلا انا معايا الحديد والصلب 1000على 47 ومعايا سيولة 20 الف
وبدات اشعر ان السهم سوف يصعد ما المفروض ان افعل

أطلبية حضرتك على 40.06

مثلا ,,( و غالبا ها يبعلك لو في أول الجلسة)

لو طلع أعرضي نفس الكمية على 42.88

أو أكتر شوية أو افل شوية ,, حسب سعرة وقتها ,,

لو نزل بعد ما أشتريتي على 40.06

ها تبقي حسنتي سعر الشراء للكمية اللي فاتت و مش ها يخسرر

لأن السهم ماليا كويس و لة طلعة ,,

popos · 10-07-2008, 01:53 AM

اشكرك على صبرك ايها الاخ الكريم ويجزيك الله كل خير والى اللقاء موقتا فى هذا الباب الجميل

akmal · 10-07-2008, 01:57 AM

اقتباس:

المشاركة الأصلية كتبت بواسطة popos

اشكرك على صبرك ايها الاخ الكريم ويجزيك الله كل خير والى اللقاء موقتا فى هذا الباب الجميل

تحت أمرك أختي العزيزة في أي وقت

انا أسمي اكمل محمد ( صبري)

يعني أسألي براحتك

و أهلا بيكي في أي وقت

tata50052 · 10-07-2008, 02:20 AM

بسم الله الرحمن الرحيم
استاذى الفاضل معايا 1000 المتحدة للاسكان على 20.20
اعمل ايه فيها

بوسى عبد الحميد · 10-07-2008, 02:28 AM

الاستاذ الفاضل اكمل صبرى تحية طيبة لك ومبروك لك ولنا على هذا الباب الشيق ذو الاسم الجميل وانا بصراحة عايزة اعرف وجة نظر حضرتك فى سهم الاى سى سواء من الناحية الفنية او المالية وكذلك كاستثمار متوسط او طويل المدى وتعليقك على اداء السهم الضعيف جدا خلال الفترة الماضية علما بان سعر الشراء 5ج وهل تنصح بدخول الاكتتاب ام لا مع العلم انى معيش سيولة ادخل بيها الاكتتاب وكمان مش قادرة اخرج على الاسعار الموجودة لانها هتبقى خسارة كبيرة مع العلم ان معايا 25000سهم ارجو من حضرتك النصيحة ولك جزيل الشكر

akmal · 10-07-2008, 02:49 AM

اقتباس:

المشاركة الأصلية كتبت بواسطة بوسى عبد الحميد

الاستاذ الفاضل اكمل صبرى تحية طيبة لك ومبروك لك ولنا على هذا الباب الشيق ذو الاسم الجميل وانا بصراحة عايزة اعرف وجة نظر حضرتك فى سهم الاى سى سواء من الناحية الفنية او المالية وكذلك كاستثمار متوسط او طويل المدى وتعليقك على اداء السهم الضعيف جدا خلال الفترة الماضية علما بان سعر الشراء 5ج وهل تنصح بدخول الاكتتاب ام لا مع العلم انى معيش سيولة ادخل بيها الاكتتاب وكمان مش قادرة اخرج على الاسعار الموجودة لانها هتبقى خسارة كبيرة مع العلم ان معايا 25000سهم ارجو من حضرتك النصيحة ولك جزيل الشكر

ربنا يبارك فيكي ,, أشكرك

السهم من جميع النواحي أجد أن دخول أكتتابة مجدي جدا و بأذن الله تكسبي منة

لو كان السهم تصريف كان الميكرز رفعوة مع فترة الرفع اللي كانت خارج المقصورة

وكانوا صرفوة وقتها ,,

السهم أدائة الحالي تزهيق حاملة عشان يبيعة ( قبل الأكتتاب )

أدخلي الأكتتاب بثقة تامة أنك بأذن الله ها تكسبي و ها تكسبي كويس ,,

بالنسبة لعدم و جود سيولة للأكتتاب ,, حضرتك ها تبيعي من السهم الأصلي للأكتتاب

وها تبيعي بسعر كويس ( بالنسبة لأنك ها يبقى ليكي حق الأكتتاب )

أرجعي بالصفحات للخلف ها تلاقي نصيحة لأحد الأخوة بالنسبة للسهم دة

أقرأيها ,,

بعد حصولك على حق الأكتتاب ها تتابعي معايا فورا من خلال المداخلات بالباب

عشان أقولك على نقاط بيع للسهم الأصلي لتوفير السيولة

تحياتي

akmal · 10-07-2008, 02:59 AM

اقتباس:

المشاركة الأصلية كتبت بواسطة tata50052

بسم الله الرحمن الرحيم
استاذى الفاضل معايا 1000 المتحدة للاسكان على 20.20
اعمل ايه فيها

أحتفظ بالسهم و حاول تشتري كمية تانية من أدنى سعر لبدية العمل بة

السهم مضاربة ,,

ولكن هناك ملحوظة علية : حتى الآن لم يشهد طفرة سعرية واضحة نتيجة عدم

وجود أي أخبار جوهرية علية ,,

لذلك لو ظهر أي خبر مثل أكتتاب مثلا ,, ها يصعد كويس ,,

حاول تعمل تريدات بالسهم و لكن بشرط ان تكون بدايتها شراء كمية من أدنى نقاط شراء

بوسى عبد الحميد · 10-07-2008, 03:27 AM

يعجز لسانى عن الشكر امام هذة النصيحة الجميلة و المبشرة بالخير لكن بقولك كلمة انك شخص جميل جدا وخدوم للجميع وادعو اللة ان يوفقك لما ترضاة وبكل ما تتمناة ولك منى كل التقدير و الاحترام

alex007 · 10-07-2008, 03:37 AM

اقتباس:

المشاركة الأصلية كتبت بواسطة sm.....sm

استاذى الفاضل تعقيبا على راى اخونا اليكس ان مضاعف ربحية المصريين للاسكان 100 هل هوا فعلا كدا او فى حدود 30 ومعدله طبيعى زى اغلب اسهم القطاع ؟؟؟وثانيا بيقول نصيف طيب واللى كدا كدا عايش فى المصيف والبورصة مش مخلياه طايق يخرج حتى يتمشى على البحر بالليل يعمل ايه؟؟؟؟...انا سايب كل الاسهم زى ما هيا علشان السيولةان شاء الله صفر او بصراحة يادوب على اد اشتراك مباشر اللى يوميا اشغله ساعتين وبعدين اضحك من الزعل وادخل انام فى ساعتها...تفتكر حضرتك فى امل ادفع الاشتراك بتاع مباشر الشهر الجاى؟؟؟

الأخ العزيز SM

السلام عليكم ورحمة الله وبركاته
علي فكرة هو مضاعف ربحيته 130.13 حسب تقرير مباشر

ثاتيا يا باشا أنا اسمي محمد علي ,, و اليكس دي علشان أنا اسكندراني وباحب أسكتدرية يعني برضه عايش في المصيف و صدقني لا بتمشي علي البحر لا بالليل ولا بالنهار ,, بس ربك كريم قول يا رب وثق في أن رزقك لن يأخذه غيرك فيطمئن قلبك إن شاء الله.

واللي يبص لبلاء غيره تهون عليه بلوته ,, فالحمد لله في الاول والآخر و محدش يعرف الخير فين

أصبر فإن الله مع الصابرين وأعلم أن كثافة البيع العشوائي للافراد من أهم أسباب اللي أحنا وصلناله الآن
و ده رسم للدعم والمقاومة يمكن يفيدك

مستويات الدعم و المقاومة ، البورصة المصرية ، مباشر

مقاومة قويــة 23.80

مقاومة قويــة 19.90

اخر سعر 9.89

دعــم متوسط 8.00

دعــم قـــوى 6.51

alex007 · 10-07-2008, 03:57 AM

اقتباس:

المشاركة الأصلية كتبت بواسطة akmal

أخي العزيز :

الأسهم المتوسطة اللي في السوق و بتهبط دلوقت نوعين ,,,

النوع الأول اللي يستحق الهبوط لأن كل مزاياة أنتهت أو كان معمول علية

جيم تصريف في العالي و أنتهى,,,

المصريين للأسكان النوع الأول

خلية دلوقت لأن صعب تبيعة بالخسارة دي ,,

أصبر حاجة في محفظتك تطلع ومنها نبدء رحلة الخروج من السهم على خير

السلام عليكم ورحمة الله وبركاته

مساء الخير أ/ أكمل..

أنا كنت حاسس إن السهم تصريف بس ما تخيلتش إنه حينزل قوي كده بس الظاهر إن هبوط السوق ساعد كتير علي الهبوط الذي تزامن مغ دخول أسهم الأكتتاب السوق
يا ريت يبتدي يصمد بعد امتصاص عدد اسهم الأكتتاب اللي اضيفت الاسبوغ الماضي.

علي فكرة انا بعتلك email علي جوجل Gmail يا ريت تبص عليه وتبقي نقوللي رأيك !!

مبروك علي التجمة التانية ,, أنا شايف إنك أستوليت علي القلوب بسرعة و أن الباب في تقدم مستمر بالرغم من المدة القصيرة بفضل مجهودك وأهتمامك الواضح...
فهنيئا لك حب الأعضاء و ثقتهم في شخصك الكريم
لك مني كل التحية و التقدير ...

نصيحة مخلصة للجميع

= مـنـتــدى الـتــحـلـيـل الـمــالـي