نصيحة مخلصة للجميع

akmal · 22-08-2008, 01:11 AM

اقتباس:

المشاركة الأصلية كتبت بواسطة karnake

ا
شكرك يا باشمهندس لكن سبب قراري بعدم المشاركة مش تكبير المواضيع ابدا والله
انما خوف من تفسير اي كلام تاني بنية غير اللي اقصدها
وده ممكن يكون بسبب قصور عندي فى التعبير عن نيتي الحقيقية
جزاكم الله خير

لأ يا باشا بأذن الله مفيش لا تفسيرات بنوايا ولا خلافه ,,

و الموضوع مش مستاهل كل دة ,, وخلص خلاص ,,

قولي بقى كسبت كام مالبورصة النهاردة ؟؟

(( عدي على الأستراحة شوف زيزو كاتب أية النهاردة )

akmal · 22-08-2008, 01:27 AM

اقتباس:

المشاركة الأصلية كتبت بواسطة big brother

اكمل باشا ارجو الرد مشكورا على المشاركة 5695 وزيادة فى الايضاح سهم اسكندرية لتداول الحاويات يتبدل بايه جزاك الله عنا الخير الوفير

مع أنه قطاع تاني ,, بس سهم أنا شخصيا ميال له (( توطين ))

لو معاك ,, يبقى خليها عربية حليج او بنك الأسكان أو مصر للزيوت أو الدلتا للتأمين ,,,,,,,

الأسهم الكويسة كتيرة و كلها في قاع سعري

فارس 99 · 22-08-2008, 02:00 AM

اقتباس:

المشاركة الأصلية كتبت بواسطة akmal

المصريين في الخارج ,,

,,,,,,,,,,,,,,,,,,,,,,,,,,,,,,,

أولا آخر أخبار السهم ::

جمعية المصريين في الخارج للاستثمار تعتمد تجزئة السهم (24/07/2008)

اعتمدت الجمعية العامة غير العادية لشركة المصريين في الخارج للاستثمار و التنمية الثلاثاء الموافقة علي زيادة راسمال الشركة المرخص به الي 750 مليون جنيه .
كما اقرت الجمعية العامة الموافقة علي تجزئة سهم الشركة من 10 جنيهات للسهم الي 2.5 جنيه للسهم و اتخاذ كافة الاجراءات اللازمة لذلك مع الجهات المختصة و تمت الموافقة علي تعديل المادتين رقمي 6 و 7 من النظام الاساسي للشركة و الموافقة علي تعديل المادتين رقمي 19 و 26 من النظام الاساسي للشركة

جمعية " المصريين في الخارج للاستثمار و التنمية " تعتمد توزيع اسهم مجانية (26/06/2008)
اعتمدت الجمعية العامة العادية لشركة " المصريين في الخارج للاستثمار و التنمية " امس تصويب قرار الجمعية العامة العادية للشركة بتاريخ 25 مارس 2008 بشأن توزيع اسهم مجانية علي راس المال المصدر في 31-12-2007 ليتم توزيع الاسهم المجانية علي اسهم راس المال المصدر بعد الزيادة و قدرها 7.593.736 سهم و ليس علي اسهم راس المال المصدر قبل الزيادة و ذلك بناء علي طلب بورصة الاوراق المالية في هذا الشأن .
ووفقا لذلك يكون التوزيع بواقع 1 سهم مجانى لكل 18.6916 سهم اصلى من اسهم راسمال الشركة بعد الزيادة ليصبح راسمال الشركة بعد توزيع الاسهم المجانية 80 مليون جنيه .
وحققت الشركة خلال الربع الاول من العام المالى 2008 صافي ربح بلغ 21.356 مليون جنيه بنسبة نمو 1586.8 % ومقابل صافي ربح بلغ 1.264 مليون جنيه عن نفس الفترة المقارنه من العام المالى السابق 2007 .
ويبلغ راسمال الشركة الحالى 75.937360 مليون جنيه موزع على 7593736 مليون سهم بقيمة اسمية 10 جنيه للسهم .

ارتفاع ارباح " المصريين في الخارج للاستثمار والتنمية " النصف سنوية لعام 2008 (30/07/2008)

اظهرت نتائج اعمال شركة المصريين في الخارج للاستثمار والتنمية خلال النصف الاول لعام 2008 تحقيق صافي ربح قدره 24.5 مليون جنيه مقارنة بنحو 1.154 مليون جنيه عن الفترة المقابلة لعام 2007.
ياتي هذا بعد تحقيق مبيعات اراضي – مشروعات اسكان و تعمير قدرها 43.874 مليون جنيه و سجلت ايرادات النشاط 5.491 مليون جنيه فيما لم تتجاوز تكلفة مبيعات اراضي – مشروعات اسكان و تعمير 18.902 مليون جنيه ليرتفع بهذا مجمل ربح النشاط من 1.882 مليون جنيه الي 29.564 مليون جنيه .
في المقابل فقد ارتفع اجمالي المصروفات الي 1.108 مليون جنيه مقارنة بنحو 1.091 مليون جنيه و بلغت الفوائد الدائنة 0.825 مليون جنيه و الايرادات الاخري 0.221 مليون جنيه و لم تتجاوز خسائر فروق العملة 0.003 مليون جنيه .
يذكر ان ضريبة الدخل الحالية قد بلغت 5.008 مليون جنيه و الضريبة المؤجلة التي ينشا عنها اصل 0.01 مليون جني

29 ابريل

يتم اليوم قيد أسهم زيادة رأس المال المصدر لشركة المصريين فى الخارج للاستثمار والتنمية من 37.968.680 جنيه إلى 75.937.360 جنيه بزيادة قدرها 37.968.680 جنيه موزعة على 3.796.868 سهم بقيمة اسمية قدرها 10 جنيه للسهم الواحد (الإصدار الرابع) بالجدول الرسمى ( 1 ) والزيادة مسددة بالكامل نقدا حق اكتتاب لقدامى المساهمين .

وكانت الشركة قد أعلنت يوم 2 مارس الجارى عن فتح باب الاكتتاب فى الكمية المتبقية من أسهم زيادة رأسمال الشركة من 37.97 مليون جنيه إلى 75.94 مليون جنيه والبالغ عددها 603.820 ألف سهم بقيمة اسمية 10 جنيهات بالإضافة إلى 25 قرشا مصروفات إصدار ليصبح رأس مال الشركة المصدر والمدفوع بعد الزيادة 75.9 مليون جنيه موزعا على 7593736 سهم بقيمة اسمية 10جنيهات.

وأعلنت فى 11 مارس الماضى أنه قد تم تغطية الاكتتاب فى الأسهم المتبقية من أسهم زيادة رأسمال الشركة المصدر البالغ عددها 603.820 سهم بـ 196.285 مرة تقريبا بنسبة تخصيص 0.5094617 % مع جبر الكسور لصالح صغار المساهمين

مختصر مالي :

آخر أرباح محققة عن 6 شهور وبها أرباح غير متكررة 24.5 م

سعر السهم الحالي تقريبا 50 ج

آخر مضاعف ربحية مسجل 50

قابل لأن يقل لأرتفاع ربحية الشركة بصورة كبيرة

التوقعات للسهم :: أرتفاع قوي جدا (( بعد تقسيمة ))

جهد رائع ممتاز 0 لك مني كل الشكر والتقدير يا باشاشـكــ وبارك الله فيك ـــرا لك ... لك مني أجمل تحية .

akmal · 22-08-2008, 02:24 AM

اقتباس:

المشاركة الأصلية كتبت بواسطة tigerjet

صباح العسل يا استاذ اكمل
انامش عارف اشكرك ازاي علي قوة بصيرتك وقرأتك الممتازة للسوق اليوم
انا والله ماشي علي توصياتك بالحرف وبجد العملية تمام التمام معايا
بس انا عندي مشكلة صعقت بها النهاردة الصبح وطالب المشورة
طبعا انا كنت شاري توطين زي ماقولتلك 500@15.26 تمام؟!
فوجئت النهاردة وانا بزود 500 كمان ان السمسار بقول ايه رأيك مش انا جدع بعتلك السهم علي 15.49 امبارح الساعة 2.30 علي اعلي سعر ممكن يجيبه السهم
فلما لضمت معاه وقولتله باي حق تبيعه من غير مترجعلي كان رده هو ومدير الشركة انك ماضي مقدما علي 5 اوامر بيع وزيهم شراء وبعدين احنا مخسرنكش حاجة بالعكس احنا كسبناك والدليل ان السهم النهاردة نزل عن السعرين شرائك وبيعيتنا
ايه رأيك اعمل ايه؟؟
ولو الناس الحلوة بتاعة اسكندرية تخش وتنصحني بشركة محترمة في اسكندرية وفيها تداول الكتروني ياريت النصيحة وشكرا

ما تعملش حاجة و حصل خير ,, والسهم فعلا ما راحش بعيد

خلي تداولاتك بدون مديونيات أفضل ,,

ولو عايز مديونية من غير وجع دماغ ,, شوف شركة

بتعمل نظام تسليف سنوي ل 40% من محفظتك

بفايدة سنويه بسيطة

,, أسأل علية , أظن بايونيرز بتعمله

akmal · 22-08-2008, 02:49 AM

على فكرة :: أنا بأمسح أول بأول حوارات المناقشة الي خارج موضوعات البورصة بعد

ما نقراها ,, عشان الناس تلاقي مواضيع البورصة ,,

يا ريت محدش يزعل لأي حذف ,,

أحمد محمد حافظ · 22-08-2008, 07:34 AM

السلام عليكم انا محتاج نصيحة من احد الخبراء الموجودين فى هذا المنتدى
انا مشترى اسهم فى كل من
1- شارم دريمز على سعر 22 جنيه وايضا على 16 جنيه
2- الصعيد العامة على 5 جنيه وعلى 3.60 جنية
3- المصريه للأتصالات على 20 جنيه
4- المصريه للمنتجعات على 7 جنيه
5- مصر للأسواق الحرة على 16 جنيه
وللأسف مش عارف أعمل ايه يارت حد يقول لى اعمل ايه لأنى متشائم جدا من وضع السوق
ولكم منى جزيل الشكر

ممدوح عبدالجليل · 22-08-2008, 09:34 AM

اقتباس:

المشاركة الأصلية كتبت بواسطة akmal

على فكرة :: أنا بأمسح أول بأول حوارات المناقشة الي خارج موضوعات البورصة بعد

ما نقراها ,, عشان الناس تلاقي مواضيع البورصة ,,

يا ريت محدش يزعل لأي حذف ,,

********************
الله ينور ووووووووووووووووووووووو
كويس كده لانى كنت با اكتب سؤال ولما ارجع تانى يوم اشوف الاجابة كنت با اتعب على ما الاقيها وسط المشاركات

بخلاف ان الموقع تقيل والتصفح صعب

*-*احنا ممكن نقعد فى مكان تانى بعيد عن ابواب البورصة ونخليه للضحك والانس

ممدوح عبدالجليل · 22-08-2008, 09:41 AM

يا باشمهندس

امبارح الخميس كنت بعيد عن البيت ومش متابع الجلسة ولما رجعت با افتح التليفزيون لقيت المؤشر 190نقطة قلت السوق كويس اوى

لكن فتحت الكمبيوتر ولقيت الاسعار اقل كتير من المؤشر هو ايه اللى عمل كده . وفى منتديات تانية قالوا فيه فيشة ب 120 الف سهم اتنفذت فى الانشاء والصناعة . ده معناه سيولة قوية داخلة ولا ايه

*-* انا با أحس ان الناس بقت عاوزة تشترى لكن المشكلة مين يشترى الاول كل منتظر لما اللى جاره يشترى

ناصر فاروق · 22-08-2008, 04:06 PM

السلام عليكم ورحمة الله وبركاته
الاستاد اكمل اية رئيك فى سهم اليكوا
احتفظ والا تبديل والا تريدات
وشكرااااااااااااااااااااااا

akmal · 22-08-2008, 06:51 PM

اقتباس:

المشاركة الأصلية كتبت بواسطة ممدوح عبدالجليل

يا باشمهندس

امبارح الخميس كنت بعيد عن البيت ومش متابع الجلسة ولما رجعت با افتح التليفزيون لقيت المؤشر 190نقطة قلت السوق كويس اوى

لكن فتحت الكمبيوتر ولقيت الاسعار اقل كتير من المؤشر هو ايه اللى عمل كده . وفى منتديات تانية قالوا فيه فيشة ب 120 الف سهم اتنفذت فى الانشاء والصناعة . ده معناه سيولة قوية داخلة ولا ايه

*-* انا با أحس ان الناس بقت عاوزة تشترى لكن المشكلة مين يشترى الاول كل منتظر لما اللى جاره يشترى

المشكلة يا ممدوح باشا أن الناس عندنا بتحب تشتري بالغالي ,,

ولازم تعليمات الشراء تبقى بأعطاء الضؤ الأخضر بل شديد الخضار من الكبار

الي هما الأقليه ,, يعني بلا شك أن أسعار الأسهم في السوق حاليا كأستثمار

قصير الأجل أفضل من أي حاجة تانية ,, أفضل من البنوك ,, الذهب ,, أي مشروع

أيا كان ,, طب كمثل ::فيه حد كان يصدق أن المنتجعات مثلا تبقى ب 3.9

و كمان منتظره ربع سهم مجاني ,, يعني تبقى واقفة على الشاري ب أقل من 3 ج ,,

سهم زي دة ,, لو أسؤ متشائم ها يقول أنة يعمل 100% مكسب في 4 شهور

,, وزيه طبعا أسهم كتير جدا ,, طب الناس مستنيه أيه عشان تشتري ,,

مستنيه حاجتين ,, مثلا بالنسبة للسهم المذكور,, أولا مستنيه التعليمات من الكبار

ثانيا ,, ,, ها تلاقي الناس بتتهافت عليه

لما يبقى ب 10ج ,, يعني حاجة فعلا لغز ,, و مش مفهوم ,,

نصيحة مخلصة للجميع

= مـنـتــدى الـتــحـلـيـل الـمــالـي