طريقه ابتكرتها لتحديث بيانات الميتاستوك بنفسك بعد الجلسه بثانيه نسألكم الدعاء

tito2000 · 05-07-2008, 08:54 AM

بسم الله الرحمن الرحيم

[align=right][/align]

[frame="1 10"]
[align=justify]
انا عارف قد ايه موضوع تحديث بيانات الميتاستوك صعب بس اخوكم فى الله الحمد لله ربنا منّ على من فضله وحوله وقوته بالطريقه دى والهمنى بها بس بعد طول عناء وشحططه على صفحات الأنترنت ( خيركم من تعلم العلم وعلمه )
اول حاجه هنحمل برنامجTICKERCHARTمن على اللينك ده [hide]www.tickerchart.com/main.php[/hide]وعلى فكره لازم تسجل فى الموقع الأول علشان تقدر تحمل البرنـــــــــــامج ( التسجيل مجانا ) طبعا
تانى حاجه بعد التحميل هنسطب البرنامج عادى خالص
تالت حاجه نطلع على الديسك توب ونفتح برنامج TickerChart v2 من الأيقونه بتاعته على فكره البرنامج ده برنامج تحليل برضه بس انا بفضل الميتاستوك وبستخدم البرنامج ده فى تحديث البيانات بس لانه فرى للسوق المصرى ( ببلاش يعنى ) لكن باقى الأسواق فرى لمده 30 يوم فقط
اول جاجه لما نفتح البرنامج نحول اللغه الى العربيه وندخل على سوق مصر للأوراق الماليه من على اليمين من فوق من لائحه مراقبه لانه فيه كذا سوق ابو ظبى والكويت والدوحه والبحرين 00000الخ بعد كده ندخل من على الهيدر من فوق على البيانات هتلاقيها بين (نموذج الرسم البيانى ) و ( التعليمات ) وندخل فى اعدادات هتتفتحلنا صفحه اول حاجه فيها (عام ) هنسيبها وتانى حاجه (ميتاستوك ) تدخلها هتلاقى مستطيل رمادى على الشمال مكتوب عليه ( أضافه لائحه جديده ) تدوس عليه هيظهرلك مستطيل ابيض فاضى اكتب فيه بالعربى (سوق مصر للأوراق الماليه ) واضغط موافق هتجيلك صفحه مكتوب فيها جميع الشركات المصريه على يمينك وعلى شمالك هتلاقى مستطيل عليه( سهم واحد) متجهه ناحيه الشمال دوس على المستطيل اللى تحته اللى عليه سهمين متجهين ناحيه الشمال هتلاقى رموز الشركات اتنقلت ناحيه الشمال اضغط موافق هترجعك للصفحه اللى قبلها هتلا قى اسفل الصفحه مربعين ضع علامه صح بالماوس داخل المربعين ثم اختار (سنه واحده ) أو( سنتين ) امام فتره البيانات المراد تحديثها الى الميتاستوك ثم اضغط تحديث بيانات الميتاستوك الأن بعد التحديث اضغط موافق ثم موافق على الصفحه وبكده تكون حصلت على بيانات الميتاستوك

رابع حاجه نــــروح على بارتيشن C ونفتــــــحه نروح داخــــــــــــــــــلين على الـ program files هنلاقى الملف اللى اتسطب عليه البرنامج اسمه UniTicker طبعا هنفتحه هنلاقى ملف اسمه TickerChart v2 هنفتحه هنلاقــــــــــــــــى ملف بقه اسمه TICKERCHART_METASTOCK الملف ده بقى هناخد منه شووررت كت shortcut مش هناخد منه كوبـــــــــى لازم ناخد منه شووررت كت
خامس حاجه نروح على البارتيشن تانى C ونفتحه ونروح داخــــــــــــــــــلين على الـ program files تانىهنلاقى ملف اسمهMetaStock Dataنفتحه ونعمللصقpasteللـshortcut اللى عملناه0000000 هنلاقى الملف اللى عملناله paste اسمه Shortcut to Egypt Securities Exchangeوهو ده الملف اللى هتفتحه من داخل برنامج الميتاستوك لما تيجى تعمل الشارتات وتحلل السوق
سادس حاجه روح وافتح برنامج الميتاستوك9 وهات من open الملف ده Shortcut to Egypt Securities Exchange ابدأ فى التعامل هتلاقى البيانات متحدثه ان شاء الله
سابع حاجه كل اللى عليك تعمله كل يوم بعد الجلسه ما تخلص تفتح برنامجتيكرتشارتTICKERCHARTوتفتح البيانات من على الهيدر وتضغط على اول حاجه اللى هى ( تحديث البيانات عن طريق الأنترنت )هتلاقى مرسوم جمبها سهمين لونهم أخضر بيلفواحوالين بعض على شكل دايره بس كده وأسأل الله تعالى ان اكون وفقت فى الشرح بالتفصيل الممل نظرا لأهميه الموضوع وان كنت وفقت فما توفيقى الا بالله وبمدد من الله وان كان تقصير فمنى ومن الشيطان
نسألكم الدعاء عن ظهر الغيب لى ولأبى وأمى ولأمه سيدنا وامامنا وحبيبنا محمدصلى الله عليه وسلم منذ بدء الخليقه وحتى زوالها
مع تمنايتى للجميع بالتوفيق والرزق الحلال الوفير ولا تنسوا دعاء دخول السوق
[/align][/frame][align=justify]
[/align]

nemo.dkhlia · 05-07-2008, 11:18 AM

شـكــ وبارك الله فيك ـــرا لك ... لك مني أجمل تحية .

drabdo · 05-07-2008, 03:56 PM

هاجربها واقولك النتيجة
شكرا لك مقدما

tito2000 · 05-07-2008, 04:25 PM

[type=639879]
شكرا لكم جميعا وشكر خاص لكل من زار هذه الصفحه وانا موجود معاكم لأى استفسار
كما ارجوا من اداره المنتدى تثبيت الموضوع نظرا لأهميته
[/type]

tito2000 · 05-07-2008, 05:04 PM

[frame="1 98"]
[align=center][/align]شكرا لكم جميعا على المرور الكريم
[/frame]

tito2000 · 05-07-2008, 05:09 PM

اقتباس:

المشاركة الأصلية كتبت بواسطة drabdo

هاجربها واقولك النتيجة
شكرا لك مقدما

[align=center]
[frame="15 98"]
تشرفت بمرورك الكريم يا اخى drabdo
ومستنى اعرف منك النتيجه وانا معاك لو فيه اى استفسار
[/frame]
[/align]