شرح عملى وبالصور لطريقه ابتكرتها لتحديث بيانات الميتاستوك بعد الجلسه مباشره

tito2000 · 14-07-2008, 10:54 PM

[frame="15 98"]
بسم الله الرحمن الرحيم

انا عارف قد ايه موضوع تحديث بيانات الميتاستوك صعب بس اخوكم فى الله الحمد لله ربنا منّ على من فضله وحوله وقوته بالطريقه دى والهمنى بها بس بعد طول عناء وشحططه على صفحات الأنترنت ( خيركم من تعلم العلم وعلمه )

[/frame]
[frame="15 98"]

على فكره يا جماعه انا قمت بشرح الموضوع بالصور للتسهيل على الساده الأعضاء

التحميل من هنا

[hide]http://file9.9q9q.net/Download/91792279[/hide]

نشرح بقى الطريقه عملى

اول حاجه هنحمل برنامجTICKERCHARTمن على اللينك دهلازم نسجل فى الموقع الأول علشان نقدرنحمل البرنــــــــــــــــــــــامج ( التسجيل مجانا ) طبعا

http://www.tickerchart.com/main.php

تانى حاجه بعد التحميل هنسطب البرنامج عادى خالص

تالت حاجه نطلع على الديسك توب ونفتح برنامج TickerChart v2 من الأيقونه بتاعته على فكره البرنامج ده برنامج تحليل برضه بس انا بفضل الميتاستوك وبستخدم البرنامج ده فى تحديث البيانات بس لانه فرى للسوق المصرى ( ببلاش ) لكن باقى الأسواق فرى لمده 30 يوم

اول جاجه لما نفتح البرنامج نحول اللغه الى العربيه وندخل على سوق مصر للأوراق الماليه من على اليمين من فوق من لائحه مراقبه لانه فيه كذا سوق ابو ظبى والكويت والدوحه والبحرين 00000الخ بعد كده ندخل من على الهيدر من فوق على البيانات هتلاقيها بين (نموذج الرسم البيانى ) و ( التعليمات ) وندخل فى اعدادات هتتفتحلنا صفحه اول حاجه فيها (عام ) هنسيبها وتانى حاجه (ميتاستوك ) تدخلها هتلاقى مستطيل رمادى على الشمال مكتوب عليه ( أضافه لائحه جديده ) تدوس عليه هيظهرلك مستطيل ابيض فاضى اكتب فيه بالعربى (سوق مصر للأوراق الماليه ) واضغط موافق هتجيلك صفحه مكتوب فيها جميع الشركات المصريه على يمينك وعلى شمالك هتلاقى مستطيل عليه( سهم واحد) متجهه ناحيه الشمال دوس على المستطيل اللى تحته اللى عليه سهمين متجهين ناحيه الشمال هتلاقى رموز الشركات اتنقلت ناحيه الشمال اضغط موافق هترجعك للصفحه اللى قبلها هتلا قى اسفل الصفحه مربعين ضع علامه صح بالماوس داخل المربعين ثم اختار (سنه واحده ) أو( سنتين ) امام فتره البيانات المراد تحديثها الى الميتاستوك ثم اضغط تحديث بيانات الميتاستوك الأن بعد التحديث اضغط موافق ثم موافق على الصفحه وبكده تكون حصلت على بيانات الميتاستوك

رابع حاجه نــــروح على بارتيشن C ونفتــــــحه نروح داخــــــــــــــــــلين على الـ program files هنلاقى الملف اللى اتسطب عليه البرنامج اسمه UniTicker طبعا هنفتحه هنلاقى ملف اسمه TickerChart v2 هنفتحه هنلاقــــــــــــــــى ملف اسمه TICKERCHART_METASTOCK الملف ده هنعمله شووررت كت shortcut وهناخد منه كوبـــــــــى لازم ناخد كوبى من الشورت كت

خامس حاجه نروح على البارتيشن تانى C ونفتحه ونروح داخــــــــــــــــــلين على الـ program files تانى هنلاقى ملف اسمهMetaStock Dataنفتحه ونعمل لصقpasteللـshortcut اللى عملناه0000000 هنلاقى الملف اللى عملناله paste اسمه Shortcut to Egypt Securities Exchangeوهو ده الملف اللى هتفتحه من داخل برنامج الميتاستوك لما تيجى تعمل الشارتات وتحلل السوق

سادس حاجه روح وافتح برنامج الميتاستوك 9 وهات منopenالملف دهShortcut to Egypt Securities Exchangeوابدأ فى التعامل هتلاقى البيانات متحدثه ان شاء الله

سابع حاجه كل اللى عليك تعمله كل يوم بعد الجلسه ما تخلص تفتح برنامجتيكرتشارتTICKERCHARTوتفتح البيانات من على الهيدر (من فوق ) وتضغط على اول حاجه اللى هى ( تحديث البيانات عن طريق الأنترنت )هتلاقى مرسوم جمبها سهمين لونهم أخضر بيلفوا حوالين بعض على شكل دايره بس كده خلاص أسأل الله تعالى ان اكون وفقت فى الشرح بالتفصيل الممل نظرا لأهميه الموضوع وان كنت وفقت فما توفيقى الا بالله وبمدد من الله وان كان تقصير فمنى ومن الشيطان

نسألكم الدعاء عن ظهر الغيب لى ولأبى وأمى وابنتى وزوجتى ولأمه سيدنا وامامنا وحبيبنا محمدصلى الله عليه وسلم منذ خلق الله الدنيا وحتى زوالها

[/frame]

Ahmed Badr · 15-07-2008, 03:21 PM

موفق بإذن الله ... لك مني أجمل تحية .

tito2000 · 15-07-2008, 04:58 PM

[frame="15 75"]
[align=center]يا ترى اللينك شغال ولا ولأ 000000000000000 حد يطمنى[/align]
[/frame]

tito2000 · 15-07-2008, 05:18 PM

[frame="15 70"]

والله يا جماعه انا احترت من مواقع رفع الملفات كل يوم بيغيروا لينك التحميل وده اخر لينك بيتم التحميل منه دلوقتى ومش عارف بكره هيكون ايه وحتى لو اتغير انا ارفقت الملف فى المرفقات

http://upload.9q9q.net/file/ehdY0wyyTQL

[/frame]