كيف تكون سعيد

omar mohd · 28-09-2008, 11:44 AM

اولا لازم تسال نفسك هل انا سعيد
الاجابة نعم او لا
نعم ليه ولا ليه
ايه هى العوامل اللى تخليك سعيد
اولا :تكون راضى بوضعك الاقتصادى يعنى (على اد لحافك مد رجليك)
ثانيا:الرضاء والصبر على ما ياتيك من بلاء و كوارث
ثالثا:تعاملك للمشاكل بحكمة وحلها دون اندفاع
رابعا:تصحيح الاوضاع الخطا كى تريح ضميرك
وللحديث بقية
ارجو المشاركة ببعض التجارب فى هذا الموضوع
او تقول او تقولى
اية اسعد يوم فى حياتك ؟

hanan_s60 · 28-09-2008, 01:04 PM

الرضــــــــــــــــــــــــــــــــــا

انا بحس ان الرضا هي كلمة السر للسعادة في الدنيا دي

هو الرضا ومفيش غير الرضا

فكروا كدة معايا......السعادة في الدنيا دي احتار الناس في تفسير اسبابها.....يعني ايه سعادة؟.....ايه هي السعادة؟

ناس كتير قالوا في الفلوس وقالوا ان من غير فلوس وثروة مفيش اي سعادة.........بس دة مش حقيقي بدليل ان في ناس معاها ملايين ومش سعيدة على الاطلاق وبتحرق في دمها وبتستهلك اعصابها علشان المليون يبقوا عشرة والعشرة يبقوا 100 والمية يبقوا مليار

وبنشوف ناس مش معاها فلوس بس سعيدة وعايشة حياتها وبتدبر امور حياتها على حسب امكانياتها......الناس دي راضية بحياتها كدة مبسوطة وقانعة

طبعا مفيش حد بيكره الطموح والسعي للمكسب.....والكل بيدور على المال...بس في ناس بتفضل ساخطة وناقمة مهما ربنا اعطاها من نعمه وبيطلبوا اكتر بس مع عدم رضا وقناعة باللي في ايدهم حاليا

وفي ناس تانية بتحمد ربنا وتشكر فضله وتبوس ايدها وش وضهر على اللي ربنا قسمه ليها وبتدعي ربنا بالرزق اللي لو زاد يبقى فضل ونعمة ولو ماجاش تبقى نعمة من ربنا.

يبقى السعادة مش في الفلوس.....يمكن في الصحة؟

برضة لا.....السعادة مش في الصحة..بدليل ان ياما ناس اصحاء وفي اتم صحة وعافية وتلاقيهم بيقولوا هعمل ايه بالصحة من غير فلوس...انا عايز فلوس...انا صحتي في الفلوس...يارب خد مني الصحة وخليني اغنى راجل في العالم

وناس تانية مرضى وبعضهم مريض بأمراض مزمنة وعضال وتلاقيهم راضيين وقانعين باللي كتبه ربنا لهم....طبعا بيدعوا ربنا انه يمن عليهم بنعمة الشفاء ولكن فرضا لم ينعم الله عليهم بالنعمة دي.....هيكفروا؟ هييأسوا من رحمة ربهم؟

بالطبع لا.....وبالتالي السعادة مش في الصحة ولا كمان في المال....وبالقياس بقى على كل النعم اللي ربنا بينعم بيها علينا...بتلاقي ناس سعيدة وتلاقي ناس حزينة وممكن السعداء دول تلاقيهم محرومين من متع كتيرة من متع الحياة وممكن كمان تلاقي التعساء دول بيمتلكوا نعم لا حصر لها بس ماامتلكوش اهم فضيلة بينعم بيها ربنا سبحانه وتعالى على عباده

الرضا والقناعة

hanan_s60 · 28-09-2008, 01:08 PM

بالنسبه لأسعد يوم في حياتي
طبعا أكيد كلنا مرينا بأوقات سعيد وحلوه كتير وكنا حاسين بالسعاده الحقيقيه
لكن مع دخولنا البورصه كل شىء رااااااااح
وأكيد اليوم اللي هقدر أرجع فيه فلوسى علشان أقدر أشترى الشقه اللي في البرج مش أوضة البواب
هيكون أسعد يوم في حياتي

omar mohd · 28-09-2008, 01:23 PM

اهلا يا هالة نورتى
بصراحة انتى قولتى الكلام اللى انا عايزة اقولة بالضبط
ام السعادة بالنسبة لى
يوم نجاحى وتفوقى
لا يمنع انى لو كسبت فى البورصة ده نجاح ليه لانه دليل على اختيارى الجيد

hanan_s60 · 28-09-2008, 01:33 PM

اقتباس:

المشاركة الأصلية كتبت بواسطة omar mohd

اهلا يا هالة نورتى
بصراحة انتى قولتى الكلام اللى انا عايزة اقولة بالضبط
ام السعادة بالنسبة لى
يوم نجاحى وتفوقى
لا يمنع انى لو كسبت فى البورصة ده نجاح ليه لانه دليل على اختيارى الجيد

شوفتي نسيتي إسمي إزاى
كل ده من متابعتك البورصه ويوم مترجعي فلوسك
أكيد مش هتنسى إسمي

omar mohd · 28-09-2008, 01:40 PM

فعلا انا كنت بتابع البورصة وسيحت معايا
وكتبت اسمى انا
انا اسفة يا احن حنان

omar mohd · 28-09-2008, 01:46 PM

السعادة احساسى بالامان
والاستقرار

omar mohd · 28-09-2008, 01:55 PM

السعادة احساسى بحريتى
الحرية هنا تعنى الكثير
حرية الراى
حرية اختيارى
حرية القرار
وغيره
وهذا لا يمنع المناقشة والاقنتاع وتغيير الراى و المرونة
فى ناس يا حنان رايهم متجمد وممكن يكون على غلط
ولا يعترفوا بالخطا
وهم دول دائما بيكونوا تعساء و بيتعسوا اللى حوليهم

hanan_s60 · 28-09-2008, 02:02 PM

اقتباس:

المشاركة الأصلية كتبت بواسطة omar mohd

السعادة احساسى بالامان
والاستقرار

المرأة هي صمام الامان الذي يحول دون تدمير الاسرة

المرأة هي ريحانة البيت في حالة الرضا
وهي جحيمه المستعر في حالة الغضب والتمرد

omar mohd · 28-09-2008, 02:10 PM

اقتباس:

المشاركة الأصلية كتبت بواسطة hanan_s60

المرأة هي صمام الامان الذي يحول دون تدمير الاسرة

المرأة هي ريحانة البيت في حالة الرضا
وهي جحيمه المستعر في حالة الغضب والتمرد

هذالا يمنع ان فيه رجالة متسلطةويحب يمارس السلطة دون حق

كيف تكون سعيد

مـنـتـــدى اســـتراحة المســـاهمين