رؤية تحليلية تعليمية بسيطة.... وخذ قرارك بنفسك

shico · 03-06-2007, 11:03 PM

نستودعكم الله
السلام عليكم ورحمه الله وبركاته
نراكم صباحا ان شاء الله

"Basim" · 03-06-2007, 11:03 PM

اقتباس:

المشاركة الأصلية كتبت بواسطة hany crespo

مساء الخير عليكم
وانا حبيت ابارك على الصفحة 1000 وربنا يزيد ويزيد فى الخير ان شاء اللة
انا حبيت اسال سؤال واتمنى ان اجد من يساعدنى فى الموضوع دة

انا حبيت اعرف المكسب بيجى منين او بمعنى اخص من اية جهة هل من الشركة اللى انا اشتريت فيها الاسهم ولا من شركة التداول ولا من اى جهة بالظبط
ولو ان شاء اللة كسبت المبلغ دة اسحبة منين هل من حسابى اللى فى البنك وهو بينضاف ولا اية ؟؟؟؟؟؟؟
ارجو شرح هذا الموضوع ولك جزيل الشكر

شوف يا عم هانى
أولاً أتمنى إنك تكون لسه بتتابع بس و مش بتشتغل فى البورصة
لأنك كده لسه فى البداية خالص
و محتاج شوية وقت لغاية لما تفهم الأساسيات و بعد كده تشتغل
بص يا سيدى
مكسبك بيجى من الناس الحلوة اللى بتخسر زينا كده
إنت بتشترى سهم و بيطلع و بينزل
حسب العرض و الطلب
لو المعروض قليل السعر بيزيد
لو المعروض كتير السعر بيقل
فيه كمان أرباح الشركة نفسها اللى إنت مساهم فيها
و دى بتبقى عن طريق توزيع أرباح ( كوبونات أو أسهم مجانية )
و لو حصل و كسبت إن شاء الله
( و لو إنى لغاية دلوقتى ما شفت واحد كسبان فيكى يا بورصة )
هتقدر تسحب أرباحك فى المضاربة
( يعنى لما السهم يطلع و تبيع أعلى من سعرك فى الشراء )
ده بيكون إما من شركة التداول نفسها
أو بيحولولك المبلغ على حسابك فى البنك
أو بيطلعولك شيك بالمبلغ المطلوب سحبه
أما لو أرباحك دى فى صورة كوبونات
ممكن شركة التداول بتاعتك تسحبهالك
أو ممكن تروح البنك اللى هينزل فيه الكوبونات دى و تسحبها بنفسك

"Basim" · 03-06-2007, 11:20 PM

اقتباس:

المشاركة الأصلية كتبت بواسطة الإنسان

بس الشباب ؟
طيب واحنا نروح فين ؟
نستنى ولا نروح ؟
مساء الفل

إنت عم الشباب يا أ / عبد السلام
و تستنى و إحنا اللى نمشى كمان لو حبيت
ربنا يخليك لينا
و آسف إنى إتأخرت فى الرد
بس لسه شايفها حالاً
******************
و تصبحوا على خير جميعاً

الزيبق الصغير · 04-06-2007, 12:01 AM

مبروك دكتوره جيجى الصفحه 1000
عقبال 1000000صفحه

atta · 04-06-2007, 12:38 AM

اقتباس:

المشاركة الأصلية كتبت بواسطة الزيبق الصغير

مبروك دكتوره جيجى الصفحه 1000
عقبال 1000000صفحه

السلام عليكم

انا جديدة هنا وكنت كلمت ا. باسم وا. محمود123 وقالولي لما تيجي د. جيجي علشان المنتجعات لكن انتهز الفرصة في بداية الفيتكم الثانية وكل رقم جديد وانتم اجمل مع الرائعة د. جيجى واكثر تناغما ووتعاونا ومحبة بس مش عارفة اكلم الدكتورة ازاي لاني هاكون تلميذة متعبة جدا ومش عارفة ابدا منين حيث انني محتارة بمحفظتي العشوائية. وحيث قررت باذن الله الحصول علي سنارة بدلا من السمك واتعلم الصيد
وجزاكم الله خيىرا

atta · 04-06-2007, 12:48 AM

اقتباس:

المشاركة الأصلية كتبت بواسطة Basim

إنت عم الشباب يا أ / عبد السلام
و تستنى و إحنا اللى نمشى كمان لو حبيت
ربنا يخليك لينا
و آسف إنى إتأخرت فى الرد
بس لسه شايفها حالاً
******************
و تصبحوا على خير جميعاً

السلام عليكم ا . استاذ باسم ياتري فاكرني اصلي لسة باتوه عقبال لما الاقيكم عموما ارجوك تحاول تقرا مشاركتي لاني وضعتهاا مع اقتباس الزئبق الصغير علي قد ما عرفت انا كدة في اي منتدي

مصرية · 04-06-2007, 12:50 AM

اقتباس:

المشاركة الأصلية كتبت بواسطة مصرية

بسم الله الرحمن الرحيم

دكتور جيهان تسمحى لى اشترك معاكم لأنى محتاجة دعمك جدا أنا بقى لى فترة بأتابع معاكى فى صمت بس أحيانا نفسى اسألك عن بعض إستفسارات لو سمحتى لى .

أول مساعدة محتاجاها من سيادتك بالنسبة للأسهم اللى سعرها إتغير مش عارفة بألاقى مؤشرات ال rsi وغيرها من المؤشرات أرقامها غريبة بعيده عن المألوف ومش عارفة اعمل فيها إيه مع العلم إنى مشتركة مع مباشر هو اللى بيغذى الميتاستوك .

انا اسفة جدا على إزعاج حضرتك وان شاء الله مش راح أزعجك كثير بس اللى شجعنى اسألك لما لقيت حضرتك بتردى على استفسارات الكل على فكرة انا حطيت adx الموجب والسالب زى حضرتك ما قلتى ولقيتها فعلاً ممتازة على الاسهم اللى تداولها كبير وشكراً على المعلومة أنا قرأتها فى بابك التانى معلهش انا طولت عليكى سامحينى .

دكتورة جيهان والنبى إوعى تنسي طلبى محتاجاه ضرورى
وشكراً لكى كثيراً

M.ABDALLH · 04-06-2007, 01:38 AM

ياجماعة ممكن حد يقولي اسم سهم او اتنين بيقدروا التحليل الفني وبيمشوا معاه ..........

saeiaes · 04-06-2007, 01:58 AM

اقتباس:

المشاركة الأصلية كتبت بواسطة M.ABDALLH

ياجماعة ممكن حد يقولي اسم سهم او اتنين بيقدروا التحليل الفني وبيمشوا معاه ..........

والله يااخى الكريم معظم الاسهم بتقدر التحليل الفنى بس احنا اللى مش بنقدره وبنكتشف الكلام دا بعد فوات الاون زى مااكون مش مصدق او اعمل نفسى مش واخد بالى حاجه تكسف اخرها جنوب الوادى وبنك التعمير عملت مش شايفهم بس دى مش توصيه ولاغيره انا لسه تلميذ ...... تحياتى

atta · 04-06-2007, 02:44 AM

اقتباس:

المشاركة الأصلية كتبت بواسطة saeiaes

والله يااخى الكريم معظم الاسهم بتقدر التحليل الفنى بس احنا اللى مش بنقدره وبنكتشف الكلام دا بعد فوات الاون زى مااكون مش مصدق او اعمل نفسى مش واخد بالى حاجه تكسف اخرها جنوب الوادى وبنك التعمير عملت مش شايفهم بس دى مش توصيه ولاغيره انا لسه تلميذ ...... تحياتى

ممكن حضرتك تفهمنا ايه اللي حصل علشان نتعلم من التجربة ؟؟

رؤية تحليلية تعليمية بسيطة.... وخذ قرارك بنفسك

= رؤى تـعـلـيـمـيـة شــامـلـة