رد : رؤية تحليلية تعليمية بسيطة.... وخذ قرارك بنفسك
هذه ردودي في القسم المذكور
ما الفرق بين القيمه الاسميه والقيه الدفتريه للسهم.........كذلك ما المقصود برأس المال المصدر ورأس المال المرخص له....................واخيرا ما المقصود بعلاوة اصدار.............وشكرا
عند تاسيس اي شركه مساهمه جديده يتم تقسيم تكلفة المشروع او راس المال الي اجزاء متساويه هي الاسهم
لو الشركه راسمالها 10 مليون وعدد الاسهم مليون يبقي قيمة السهم وقت التاسيس 10 جنيه وتسمي القيمه الاسميه
والشركه بتكون متوقعه نمو في المستقبل مثلا الي 100 مليون فتعمل في قرار التاسيس ان راس المال المصرح به 100 مليون وتقدر تزوده اي وقت
لو حصل ان الشركه كسبت وخلت عندها ارباح مرحله واحتياطي وارباح للتوزيع وقيمة المشروع من ارض ومباني ومكن وقيمة شهره الخ كل ده لما تجمعه نسميه القيمه الدفتريه وطبعا المشروع اللي بدا قيمته 10 مليون ممكن بعد سنه او 3 يبقي قيمته 30 مليون هي دي القيمه الدفتريه
احيانا معدل النمو يبقي كبير والناس تتوقع زيادة قيمة الشركه تلاقي قيمة السهم في السوق تتداول باكتر من القيمه الدفتريه
طبعا عدد الاسهم في سعر السهم الحالي في البورصه يديلك القيمه السوقيه وممكن تزيد او تساوي او من النادر تقل عن القيمه الدفتريه
لما الشركه عندها ارباح وبدل ماتوزعها عاوزه تعمل توسعات في النشاط ممكن تعمل زيادة راس مال بتوزيع اسهم مجانيه
ولو عاوزه تعمل توسعات اكتر ممكن تعمل زياده في راس المال عن طريق اسهم جديده للاكتتاب
قيمة السهم ممكن في حالتنا دي تبقي بالقيمه الاسميه 10 جنيه وممكن تضيف مصاريف مثلا ربع جنيه او بدون مصاريف
ولو الشركه شايفه نفسها قوي وان قيمة السهم حرام تبقي ب10 جنيه وهو في السوق ب30 مثلا ممكن هنا تقول انا هاضيف علاوة اصدار والاكتتاب مثلا يبقي ب10 جنيه زائد 10 جنيه علاوة اصدار يعني تكتتب ب20 جنيه للسهم
وراس المال المصدر او المدفوع هو راس المال الحالي سواء هو هو من يوم انشاء الشركه او بعد زيادته باسهم مجانيه او اكتتاب بالقيمه الاسميه او بالقيمه الاسميه مع علاوة الاصدار
وتلاحظ هنا انه بيتحسب بعدد الاسهم الحالي مضروب في القيمه الاسميه وزي ما انت شايف بكده يتساوي السهم المجاني مع السهم ابو علاوة اصدار في الحساب كله يتحسب ب10 جنيه
GetAllLocalTime (2007, 11-1, 5 , '11:41:00' );الاثنين 5 نوفمبر 2007 2:41 م
|
[/url
العرض العادي
