رؤية تعليمية بسيطة .... وخذ قرارك بنفسك

dr. gihan gamal · 26-05-2007, 12:48 AM

تابع فيبو ناتشى

ويشترط عند رسم خطوط تصحيح فيبوناتشي التالي:

1. أن لايكون إتجاه التصحيح قد كسر,
ويتم كسره إذا إخترق السهم نسبة فيبونتشي الذهبية 61.8.
لأنه عندها يكون إتجاه التصحيح قد إنتهى, وبدأ السهم طور جديد.

لهذا تستمر عملية التصحيح حتى يخترق السهم النقطة 61.8 , بعد ذلك يمكن أن نطلق على هذا الحدث إختراق.

لكن بعض المحللين يفضلون إعتبار نقطة الإختراق هي النقطة 100, ولايعتبرون أن السهم غير مساره إلا إذا كسر السهم هذه النقطة ونزل أسفل منها.

2. أن لايتجاوز السعر نقطة الصفر ونقطة المائة,
لأنه إذا تجاوزهما سوف لن تكون النسب دقيقة لهذا يجب ان نرسم الخطوط بحذر وروية.

أقوى نسب فيبوانتشي:

كما قلنا أن النقاط 38.2 % , 50% , 61.8%, أقوى خطوط فيبوناتشي, بينما تمثل النقطة 61.8% أقوى النقط على الإطلاق.

ملاحظات هامة:

1. لاتستخدم خطوط فيبوناتشي إلا عند وصول سعر السهم لمستوى النقطة 23.6.

2. إذا مثل مستوى 23.6 مستوى مقاومة, فمن المحتمل أن يتم اختراق مستوى 38.2 بشكل أسرع, وقد لا يستغرق الأمر أكثر من محاولة أو اثنتان, أما إذا تم اختراق مستوى 23.6 بسهولة, عندها من المحتمل أن يشكل مستوى 38.2 مستوى مقاومة قوي.

3. في حال إختراق النقطة 100% مثلا, يمكن أن نعرف حدود الإتجاه القادم ونتوقع أن يكون بنسبة 25% من نسبة التصحيح على أقل تقدير, مثلا إذا كان التصحيح لعشر نقاط, فإن إختراق مستوى 100% قد يحصل ل 2.5% نقطة مقبلة على أقل تقدير.

4. في حال إخترق السهم مستوى 100% أو 0% مثلا, تنتهي العملية وتعتبر كل الخطوط لاغية, لأن الإتجاه يكون قد تغير. عندها تعتبر النقطة 100 أو 0 نقاط دعم ومقاومة.
لهذا إذا حدث وأن صحح السهم ثم عاد وإخترق النقطة 100 أو 0 سواء في الإتجاه السابق للسهم, أم في إتجاه التصحيح, عندها يمكن لنا أن نرسم خطوطا جديدة لأن السهم يكون عندها قد شكل قمة أو قاع جديدة.

osamam112 · 29-05-2007, 10:13 PM

بارك الله فيكى يا دكتوره
بس انا ليا تعليق هو الشرح جميل جدا جدا بس مش ناقصه غير امثله عمليه علشان الشرح يوصلنا اكتر ويثبت فى المخ على طول

MrDeSh · 08-08-2007, 07:34 PM

موضوع مهم وانا مهتم بالبورصة ونفسى اتعلم ازاى اشتغل فيها ممكن تدينى اميلك علشان تعلمينى واى سؤال اسئليك عنه بسهولة ممكن ولا لأ

Weloo · 11-08-2007, 11:59 AM

السلام عليكم

ممكن شرح لموضوع تجزئة الاسهم / و الاسهم المجانية
الي انا فاهمه ان عدد الاسهم بيزيد والقيمة بتفضل علي ماهي علية
وبالتالي متوسط السعر بيقل لان الكمية زادت ؟ يعني سهم كان ب 10 ج
لما يبقي 2 بعد التجزئية هيكون الواد ب 5 جنية , ما مدي الاستفاده اذا لم
يصعد السعر , الرجاء تاكيد هذه المعلومات

وشكرا

ameromran · 14-08-2007, 09:43 PM

انتي فين يادكتورة من زمان مش باينة في المنتدي

waleed farg · 28-08-2007, 02:55 PM

بشرى للاخوة جميعا ستنضم الينا الليله باذن الله الدكتورة جيهان وتبلغكم جميعا سلاماتها

dr. gihan gamal · 28-08-2007, 05:37 PM

مساء الخير عليكم جميعا

إزيكم .... وحشتونى جدا جدا ..

عاملين إيه ... وأخباركم إيه ....

والبورصة عاملة ايه معاكم ... والأخبار والإشاعات والفتاوى والجيمات والتوصيات ....

عاملين إيه فى وسط الدوشة دى كلها ...

يارب تكونوا كويسيين ...

ويكون فيه حاجة من الكلام اللى كنا بنقوله استفدتم منه ..

أنا معاكم من النهاردة ...

وباشكر إدارة المنتدى على إستضافتها لينا طوال فترة اغلاق أون لاين ...

حويطي الحويطات · 28-08-2007, 05:42 PM

اقتباس:

المشاركة الأصلية كتبت بواسطة dr. gihan gamal

مساء الخير عليكم جميعا

إزيكم .... وحشتونى جدا جدا ..

عاملين إيه ... وأخباركم إيه ....

والبورصة عاملة ايه معاكم ... والأخبار والإشاعات والفتاوى والجيمات والتوصيات ....

عاملين إيه فى وسط الدوشة دى كلها ...

يارب تكونوا كويسيين ...

ويكون فيه حاجة من الكلام اللى كنا بنقوله استفدتم منه ..

أنا معاكم من النهاردة ...

وباشكر إدارة المنتدى على إستضافتها لينا طوال فترة اغلاق أون لاين ...

السلام عليكم

أهلا وسهلا بكي يا دكتوره
وحمدا لله على سلامتك
كنت أعلم أن نهر العطاء لايمكن أن ينقطع
بارك الله فيكي ورزقكي الخير كله على كل ما تقدمينه

dr. gihan gamal · 07-09-2007, 10:33 PM

هنتكلم عن موضوع المضاربة فى الآسهم ...

لآن الموضوع مهم لينا كلنا ..... هنتناوله دايما... وبصفة دائمة .... ونستعرض فيه زوايا كنيرة ....
هاتكلم عن موضوعين النهاردة

أول حاجة ....أشكال المضاربة وطرقها .
ثانى حاجة ...... طريقة بسيطة للمضاربة اليومية .

أولا : أشكال المضاربة وطرقها

عندنا 3 أشكال أو باترن رئيسية للمضاربة :

الآول : الآختراق .

الثانى : البوتوم فيش ( أى الآرتفاع من هبوط شديد )

الثالث : البولباك ( وهى استمرار الآرتفاع بعد مرحلة إستراحة وجنى أرباح ) .

الباترن الآول : الآختراق Breakout :

ببساطة شديدة معناه .. إرتفاع جديد + فوليوم كبير

شروطه :

1- نجميع على الاسهم لمدة 3 أو 4 أيام على الآقل
2- نيو هاى .
3- مع ارتفاع السعر يوجد طلب حقيقى من المؤسسات والصناديق .
بحيث ألا يقل التداول عن 3 أضعاف معدل التداول خلال ال20 يوم السابقة .

بالرغم من تحقق الشروط . ممكن أن لا يحدث الآختراق ويكون كاذب False Breakout .. ودة بيحصل دلوقنى كتير يعد إزدياد التوصيات الكاذبة والمغرضة ..

أسباب الآختراق الكاذب :
1- ارتفاع جديد بدون فوليوم كبير .
2- ظهور داون تريد فجـأة ، شركة بتسوى وضع عملايها ، إشاعة مغرضة ، خبر كاذب على السهم ، .... وما أكثر هذا الآن .
3- هبوط مؤشر السوق بشكل قوى أثناء عملية الآختراق لنقطة المقاومة .

الباترن التانى : البوتوم فيش :

لو السوق إعتقد ان سهم معين سعره هابط جدا ، ووصل إلى البوتوم ـ يبدأ الآفراد هنا بالتجميع ، يرتفع السعر مرة أخرى ،

هنا فيه ميزة ، هى أن السعر منخفض ، فالمخاطرة أقل ، السعر هنا أقل من سعر الآختراق فى الباترن الآول اللى بتشترى بيه وهو عالى ..

بالآضافة إلى أن السهم أول مايبدأ فى الارتفاع يبدا السهم بشكل البوتوم فيش ـ ويبدأ محترفى الجيمات الدخول ، والشراء ، ومن ثم الآرتفاع تانى ، ويبدأ السهم فى تكون نموذج Cup & Handle .

الشروط :

1- ان السهم يسجل هبوط جديد خلال ال5 أيام الاخيرة ، وعلى الاقل 22 يوم هبوط .
2- ارتفاع السعر والفوليوم .
3- يجب ان يكون الهاى اعلى من الهاى ليوم امس
والفوليوم أعلى من فوليوم أمس .
والآغلاق أعلى من إغلاق أمس .
4- أن لايرجع إلى الهبوط السابق ابدا ، وإلا لايكون بوتوم فيش .
5- يكون الفرق بين الهاى واللو أعلى من جميع ال5 أيام السابقة ، والفوليوم الآعلى مع ارتفاع السعر ، وهكذا تم التقاط البوتوم .

الباترن الثالث : التصحيح Pullback

بعد إختراق السهم النيو هاى ، هيبدأ المضاربين فى جنى الآرباح والبيع . ولكن هذا البيع ليس كثيفا ، وهنا اهم حاجة للبولباك أن فوليوم الهبوط ليس كبيرا ، والشركة ليس عليها خبر سئ يجعلها تهبط جدا ولا تعود مرة أخرى للآرتفاع ،
المضارب أحيانا يبالغ فى الشراء والسهم عالى ، ولكن القناصين من المضاربين المحترفين ينتظروا لغاية استئناف السهم للترند الذى كان عليه ، ثم يبدأون الشراء .

ميزة البولباك ... انك تشترى فى بداية السوينج ، ولبس مثل الآختراق اللى بيكون الترند بدأ ، والسوينج ايضا بدأ .
لكن الفائدة فى الشراء مع بداية السوينج ، مخاطرته اقل من الشراء بعد ان يبدأ حتى لو هبط السهم يكون حينئذ أقل من التانى .

الشروط :
1- وهو الاهم ، ان يكون الترند السابق فى ارتفاع من قبل ، يعنى عمل نيو هاى قبل اسبوع او اسبوعين بالكثير .
2- ان يكون هبوط السهم غير مصحوب باخبار سيئة على الشركة ، وانما مع هبوط السوف او جتى ارباح او كان مرتفع كثير.
3- يجب ان الهبوط غير مصحوب بفوليوم كبير جدا .
4- يجب الا يقل الهبوط فى السعر عن 25% من اعلى سعر وصل له عندنا سجل النيو هاى السابق .

dr. gihan gamal · 07-09-2007, 10:38 PM

ثانبا...... طريقة بسيطة للمضاربة اليومية

عاوزبن نعرف أيه أفضل طريقة للمضاربة اليومية ...

علشان نعرف الإجابه ، لازم نعرف حالة السوق الآول قبل مانشتغل ...

يعنى إيه ..

السوق له حالات مختلفة ، وكل حالة من الحالات دى يخنلف سلوك المضارب فيها عن الحالة الآخرى ...

طيب .. ماهى حالات السوق ....

الحالة الأولى : استقرار السوق
يعنى الآسعار عادبة ، شركات أسهمها بتكسب وشركات تخسر ..

الحالة الثاينة :ارتفاع متواصل
وهنا ترتفع بعض شركات المضاربة بشكل ليس له أسباب.. زى مابيحصل لنا فى الأسابيع اللى فاتت .. شركات فجأة بتتطلع مانعرفش جت منين ..
مانعرفش مين صاحبها.. إسمها أول مرة نسمعه ...

الحالة الثالثة :نزول مفاجىء للسوق
وهنا تنزل أسعار كل الشركات... سواء القوية أو غير القوية ....
ممكن يكون السبب تصحيح ، أو جني أرباح لكبار المضاربين بعد الارتفاعات في المرحلة الثانية ، أو جيم وخلصت زى ماشفنا ........ المهم كله بينزل ...

الحالة الرابعة :ارتداد السوق بعد النزول
وهنا تعود اسعار الشركات كما كانت قبل النزول.... ولكن عودة الأسعار مش بترجع فى نفس الوقت مع بعضها .... يعنى فيه بعض الشركات بتتاخر ، علشان تنقل السيوله من قطاع لقطاع..
وعادةً الشركات التى ترتد الشركات التي لها أرباح تشغيليه وليها نشاط حقيقى .... وفيه ثقة من المستثمرين بها .

هذه هي حالات السوق ببساطة ..... وكل مرحلة من المراحل ليها طريقة تعامل .... طبعا الكلام هنا للمضارب فقط ..

نتكلم الآول عن المضارب اليومى اللى بيشتغل ( T+0)
على المضارب اليومي هنا أنه يحقيق نسبة ربح 1% من سعر الشراء حد أدنى وعدم الطمع ياريت ..... بعد حساب عمولته .....

تحقيق 1% فى اليوم صافى .... يعمل ما لا يقل عن 30% ... لآنه ممكن يعمل الدورة ب 1% أكثر من مرة فى اليوم ....

ممكن نحقق نسبة 3% يومياً أو 5% أحياناً .... إمتى ؟
ممكن في الحالة الثانية ولكن لفترة محدودة قد تكون إسبوع أو شهر .
ممكن نحقيق 5% يومياً ولكن بعد ارتداد السوق الحقيقي من هبوط مفاجى ولفترة محدودة أيضاً لا تتعدى الشهر كما في الحالة الرابعة .

المضارب العادى بقى .... أرباحه المستهدفة إيه ...
في هذه المراحل ...
الأولى : ربح يومي 1% .
الثانية : ربح يومي 3%.
الثالثة : مفروض فيها الخروج من السوق عند نقاط ايقاف الخسارة .
الرابعة: ربح يومي 5% أو أكثر على حسب حالة السوق .

المضارب يشتغل إزاى :..
أول حاجة لازم يضع تصوره لحالة السوق قبل بدء الجلسة ، و يتوقع اتجاه حركة الأسهم بناءاً على معطيات اليوم السابق ، وطبعا ليس بناءاً على تاريخ الشركة أو أرباحها ، لآنه مش مستثمر ... .... هوة هنا عاوز يعمل 1% أو أكثر ويخرج .....

أهم الخطوات اللى مفروض يعملها المضارب اليومى :-
1/ اختيار الشركة الجيدة لليوم القادم .
2/ تحديد نقطة الدخول .
3/ تحديد نقطة الخروج .
4/ تحديد نقطة ايقاف الخسارة .

تغير السعر يعتمد على العرض والطلب.... إزاى ..

عند زيادة الطلب على العرض يرتفع السهم
عند زيادة العرض على الطلب ينزل السهم

في أيام الارتفاعات تكون هناك طلبات كثيرة وعروض قليلة لدلك ترتفع الاسعار ،
وفي أيام النزول يكون هناك عرض كثير والطلب قليل لدلك تنزل الاسعار..

طيب نعمل إبه فى كل خطوة من الخطوات الأربعة..

الخطوة الأولى : اختيار الشركة الجيدة لليوم القادم

طبعا بيختار المضارب الشركة من الشركات اللى بيطبق عليها نظام ( T+0 ) ويختار أكثرهم نشاطا وتداولا .... ويتابعها يوميا وتسجيل سعر الافتتاح والأعلى والأدنى وسعر الاقفال لكل يوم تداول في جدول .. وتسجل في جدول آخر كمية التداول لكل يومي ..
هنا تنظر لشركة كان بها كمية التداول ليوم أمس قليلة ثم اليوم زادت كمية التداول اليوم ..
وتنظر لسعر الأغلاق إدا كان أعلى من المتوسط تختار هده الشركة ( سعر المتوسط تحصل عليه بالطريقة التالية : أعلى سعر + أدنى سعر وتقسم الناتج على 2 )
إدا كان سعر الاقفال أكثر من المتوسط وكيمة التداول أكبر من يوم أمس هنا ترتفع الشركة لليوم القادم بإدن الله تعالى .

الخطوة الثانية : تحديد نقطة الدخول:

عليك معرفة سعر الاقفال ليوم أمس حتى تحدد أدنى سعر يمكن أن يصل له السهم اليوم وأيضاً أعلى سعر .. وتحديد نقطة جيدة تكون بالمتوسط بين أعلى سعر وأدنى سعر .، هنا عليك مراقبة الافتتاح..
هل يبدأ على سعر قريب من الآعلى أو بسعر قريب من سعر أقفال أمس ،إدا كان السعر أقرب لاقفال امس هنا ادخل في الشركة مع الافتتاح أو بعده بـ 5 دقائق إلى 10 دقائق على حسب العروض والطلبات أثناء التداول لتعرف هل السهم في حالة تجميع مبكرة وهنا يرتفع السهم بشكل سريع ..

الخطوة الثالثة : تحديد نقطة الخروج:

بعد شرائك للسهم قم بعرضه بسعر أعلى من سعر الشراء بـ 1% إلا أدا كانت الشركة والسوق عموماً يمر بالمرحلة الثانية المدكوره سابقاً فعليك عرض السهم بفارق أكثر من 1% على حسب المرحلة الثانية أو الرابعة .

الخطوة الرابعة : تحديد نقطة ايقاف الخسارة:

هنا بهده الطريقة وتحقيق ربح يومي 1% تكون الخسارة بعد الاختيار الجيد للشركة في الخطوة الأولى والشراء بسعر مناسب في الخطوة الثانية تكون قليله والسبب عدم الطمع والشراء والبيع بناءاً على نزول وطلوع السهم وقت التداول وليس الشراء بناءاً على مصادر خاصة أو توصيــات خاطئة .

وأكرر .. ليس بناء على التوصيات الخاصة ... ولا الكلام اللى بدون أساس علمى أو تحليل ....
لسبب بسيط جدا أن من يقول أنه عرف الصعود أو الجيم أو الآفلام اللى بيقولها دى كلها .... من مصادره الخاصة مش ممكن هيعرف بالنزول قبل حدوثه ...لآن من يخبرهم بأن الشركة كذا سوف ترتفع غداً ليس من مصلحته اخبارهم بأنه سوف يسحب طلباته الكبيره من هدا السهم في فترة معينه ويسبب نزول السعر بعدها حتى يشتري بسعر اقل وكان في الاصل قد باع.

المهم هنا ...
في حالة حدوث نزول للسهم بسبٍ ما عليك عرض السهم للبيع بعد النزول أكثر من 10% .. وشراء السهم في حالة استقرار السوق ..

رؤية تعليمية بسيطة .... وخذ قرارك بنفسك

= رؤى تـعـلـيـمـيـة شــامـلـة