ومضات هامة وسريعة فى التحليل الفنى والمالى

dr. gihan gamal · 19-04-2007, 06:21 PM

بسم الله الرحمن الرحيم

هذا الباب سيتم فيه تجميع مقولات .. افكار .. تعريفات .. نتائج ... أيه معلومات سريعة .. مختصرة

قلناها فى ابوابنا التحليلية اثناء الدردشة ....

وهى قد تضئ لنا الطريق ..

ومضات ... بسيطة ... فى طريقنا فى البورصة

ولاننا قلناها فى زحام المشاركات ..

وحتى لاننساها ....

سنضعها هنا ...

dr. gihan gamal · 20-04-2007, 09:58 AM

[b][right][font="Tahoma"]ببساطة شديدة ... المكسب كويس .. وكلنا بنحترم
قاعدة Let The The Profit go يعنى دع الربح ينطلق ..

ولكن أنا من الأول وقبل ماأدخل السهم لازم أكون محدد سقف لمكسبى كخطوة أولى ( وطبعا خسارتى علشان أخرج لاقدر الله ) يعنى أقول أنا يكفينى 25% مثلا .. لو لقيت إنى عملت الربح دة ..

أكد ربحك الحقيقى مش الدفترى وإخرج بجزء - وإمسك المكسب بإيديك .. طلع السعر تانى بيع جزء تانى .. الدنيا مش هتفضل على طول UP ..
هيفوتك جزء من الربح لكن مش هتخسر أبدا ..( والسهم بيطلع وينزل ،وممكن تضارب ، بس على المكسب مش على رأس مالك - السعر بنشوفه كتير .. كل سعر هيعدى عليك هيجى تانى

dr. gihan gamal · 20-04-2007, 10:01 AM

لما بنتكلم عن موضوع إقتصادى تتم فيه الحسابات على توقعات مستقبلية .. ينتفتح الباب للحوار ولاينغلق أبدا ..

وهاقول لحضرتك الآراء حول هذا الموضوع :-
أولا :- لو بنتكلم عن تقييم السهم بناء على مضاعب الربحية وفقا للأرقام الفعلية للعام الحالى :-
المتفق عليه - زى ماحضرتك عارف طبعا -أن مضاعف الربحية يحسب على أساس قسمة سعر السوق الحالى على ربح السهم الحالى ..
يعنى بنحسب بإستخدام الأرقام الفعلية .. ونقارن الشركات ببيعضها ..حسابات واقعية .. لتقييم السهم حاليا ..
وكلما كان هذا المضاعف منخفضًا عن مضاعف السوق أو مضاعف القطاع الذي ينتمي إليه السهم -كان هذا السهم جديرًا بالشراء.
ولكن ..
فيه حاجة مهمة يراعى تطبيقها ......لو السهم كان مضاعف الربحية له أعلى من معدل السوق، فالتقدير الأولي عدم شراؤه بل بيعه اذا كان محتفظا به،
لكن أحيانا يكون هناك إستثناءات ، التى تجعلنا نقوم بشراء السهم أو الاستمرار في الاحتفاظ به وهذه الأستثناءات :

1 -الفرق بين مضاعف الربحية ومؤشر السوق غير كبير .
2- عدم توافر معلومات عن إخلال إدارة الشركة بمعايير الأمانة والكفاءة.
3- نسبة الأرباح غير التشغيلية نسبه ضئيلة من نتائج الشركة.
4 -نمو أداء الشركة التشغيلي بمعدلات مستمرة .

ثانيا : لو هنتكلم عن تقييم السهم وفقا للأرباح المتوقعة ....
ده إسلوب إقتصادى تم إستخدامه حديثا كمقياس لتقييم الأسواق بصورة عامة...و تم فيه إستخدام مضاعف الربحية بحساب قسمة سعر السوق الحالى على المتوسط السنوى للنمو( معدل النمو ) .
فإذا كان خارج القسمةسبعة من عشرة يُشترى السهم، وإذا كان خارج القسمة مساويًا للواحد الصحيح أو أكثر لا يشترى السهم أو يباع إذا كان المستثمر يحوز هذا السهم

لو أخذنا العز مثالاً على ذلك:
مضاعف الربحية لسهم العز الأن وفقا لأرقامنا السوقيه 22.76 ،
لو كان معدل النمو المتوقع في السنوات القادمة في حدود 20% سنويًا فإن المقياس يساوى 22.76 / 20 يعنى يساوى 1.138 ، في هذه هنا لا يصح شراء السهم، أو يجب بيعه إذا كان السهم في حيازة المستثمر، و لو كان معدل النمو المتوقع 30% في الفترة القادمة فإن المقياس يساوي 22.76 /30، هيكون المقياس مساويا 0.75 أي أقل من الواحد الصحيح، فإنه هنا جدير بالشراء .

ولكن ...
لما بنتكلم عن علاقة مضاعف الربحية P/E بالتوقعات المستقبلية
فإنه قد يرتفع P/E بشكل كبير جدا لسهم معين ، ومع ذلك تكون هناك مبررات لذلك الإرتفاع :
1- تم إعادة هيكلة الشركة أخيرا وبالتالي فإن ربحيتها الأخيرة المنخفضة هي مؤقتة،وبعد ذلك ستكون تلك الشركة مقبلة على تطور كبير سينعكس على نتائجها مستقبلا،
وبالتالي فإن انخفاض P/E مستقبلا يعتبر أمرا واردا وعليه فإن السهم قد يكون مرشحا للشراء.

2 -ان سمعة إدارة الشركة تعتبر جيدة وموثوق منها .
-3 لا يؤثر في النظرة الإيجابية المستقبلية للشركة أن نسبة كبيرة من أرباحها المعلنة غير تشغيلية حيث إن ذلك يعتبر ظرفا مؤقتا

وعلى هذا الأساس ،
ونظرا لمتطلبات توافر الشفافية إلى حد كبير فى النظام المؤسسى ..... فإنه فى الواقع العملى يصعب التـاكد والوثوق من موضوع التوقعات .. كما أن المصادر التى قد تستمد منها المعلومات والأخبار التى تؤدى إلى إطمئنانك مثل وسائل الإعلام وغيره قد تعطى معطيات تخالف الواقع الذى تبنى عليه قرارك ....
وبذلك لو حضرتك بتفكر تعتمد عليه ...يجب أن يتوافر للشركة
عدة معطيات منها:
1 -عندما يكون معظم نتائج أعمالها من العمليات التشغيلية.
2 - وجود اتساق في النتائج، أي عدم وجود تذبذبات حادة صعودا أو هبوطا في النتائج من عام لآخر.
3 -ألا تكون الشركة حديثة الإدراج.
4- ألا تكون الشركة قد تعرضت لإعادة هيكلة جذرية منذ وقت قصير نسبيا كما هي الحال في عدة شركات تم ادراجها أخيرا.

لا شك في أنه في حال عدم توافر الظروف والمعطيات أعلاه تنخفض درجة الاعتماد علىP/E في اتخاذ القرار الاستثماري،

dr. gihan gamal · 20-04-2007, 10:02 AM

... عاوزين قبل مانبدأ النهاردة مانفوتش اللى حصل .. العامل النفسى ... ودى حاجة مهمة جدا .. لأنك مفروض متوقع شكل الجلسة إيه .. هل نفذت ما خططت له وفقا لتوقعاتنا مع بعض النهاردة .. هل راضى عما إتخذته من قرارت فى الجلسة .. وإنت عارف هيحصل إيه ..
طيب لو مكنتش راضى عن نتائجك .. إيه الغلطة اللى عملتها ..
علشان ماتكررهاش تانى ..sad
ولو ماكنتش عارف تكتشفها لوحدك.. إشركنا معاك .. هنتعلم كلنا من بعض ..

أنا عاوزة أستفيد من التجربة فى إنى المرة الجاية يكون أدائى أفضل .. أدرب نفسى ..
بمعنى .. دخولى الجلسة وفى إيدى أدواتى ... أنا عارف هأعمل أيه ..أمامى جمبع الإحتمالات الممكنة ، مرتبة وفقا لأهميتها ..
يعنى كمثال بسيط ..
1- إنت عارف محفظتك فيها إيه .. تساوى كام .. متوسطاتك ..
2- محدد إذا كنت ناوى أدخل السوق ولا لسه .
3- طيب لو هأدخل .. حللت وسألت على الأسهم المرشحة للدخول فيها .
4- لو عرفت ماليا .. أدرس فنيا .. أشوف المؤشرات إديتنى إيه .
5- السوق كله ترنده إيه ، نماذجه إيه ، التوقعات إيه .
6- ذاكرت تشارتاتى كلها .. وقبلهم بصيت على Case 30 .. وشفت الدنيا ممكن تروح فين .
لما أوصل هنا .. هأروح الجلسة وأنا عارف إحتمالاتى :
إما كل اللى فات بيقول هبوط .. خلاص مفيش مخاطرة .. ماأنا عارف ..باقى إنى أتأكد .. يبقى أكون هادى نفسيا .. علشان ماأخدش قرار غلط ..
لو المؤشرات بتقول صعود .. خلاص برضه . مفيش مشكلة .. الدنيا حلوة .. واللى كسبان فيه .. أبيع شوية ..وأفح بالمكسب ،أو أعوض خسارة حاجة تانية إتأكدت خسارتها من قبل .
لو الدنيا مش واضحة .. لازم أكون أهدى نفسيا علشان أفكر صح .. إمتى أخرج ..وإمتى أستمر .وإمتى برضه أشترى ,,

المهم فى الحالات الثلاثة .. صدقونى ضبط النفس مطلووووووب
لآنه أحد أهم عوامل النجاح ..

dr. gihan gamal · 20-04-2007, 10:03 AM

التحليل الفنى له نقاط قوة يجب إحترامها ، منها أنه تستطيع منه توقع السعر المستقبلى ، ومعرفة إتجاه الأسعار ، ومعرفة نقاط الدعم والمقاومة التى يتحرك فيها السعر، وكذلك وقت الدخول فى السهم .
ولكن ...
به نقاط ضعف أيضا ، أهمها تأثره برأى وإنطباع المحلل والطبيعة الشخصية للمحلل نفسه ، فلو بطبعه متفائل لن يرى إشارات الهبوط بالدقة المطلوبة ، والعكس صحيح.
بخلاف أنك لو أعطيت الشارت نفسه لإثنين من المحللين الفنيين ، فقد يقرأ كلا منهما الشارت بطريق مختلفة ويرسم سيناريو مختلف ، وكلاهما سوف يدعم قراءاته بنقاط دعم ومقاومة منطقيه ، ونقاط إختراق وإنكسار أيضا ، ومن هنا بخضع لكونه فنا أكثر من قوله علما .. فعين المحلل هى التى تجيب على هذا السؤال .. هل الكوب نصف فارغ أم نصف ملئ ؟؟

يالإضافة إلى أن بعض إشاراته تكون متأخرة جدا فمثلا لايتحدد إتجاه السهم إلا بعد أن يكون قد تكون منه جزء ليس صغير ، كما أن ليست كل النماذج والمؤشرات تنجح ..

ولذلك أقول لكم دائما .. دعونا نأخذ أفضل مافيهما ونربطه بالأحداث والمعلومات والأخيار عت الشركة ، ووفقا إستراتيجية كل مستثمر منكم فى الإستثمار فى البورصة ، تاخذ قرارك بنفسك .

dr. gihan gamal · 20-04-2007, 10:04 AM

إضافة إلى هذا ....
ما يهمنا هنا فى التحليل المالى هو محاولة فهم وتفسير وقراءة القوائم الماليه للشركه بهدف الوصول الى استخراج نسب التحليل المالي والاستفادة مما يتوصل إليه من نتائج في اتخاذ القرار المناسب للاستثمارفي هذه الشركة أو تلك.

طبعا بالإمكان اتباع عدة وسائل في تقييم الأداء المالي لشركة ما، وذلك حتى نصل إلى قرار .. هل نشترى سهم هذه الشركة ..
هل تستحق منا البدء فى المخاطرة وشراء أسهمها ....

من بين هذه الوسائل نسب التحليل المالي ratio analysis .

فمن خلال مقارنة الميزانيات العمومية وقوائم الدخل للشركات بين فترة وأخرى، بالإمكان التعرف على التغيرات والاتجاهات المستهدفة للشركة. كما أن احتساب النسب من واقع القوائم المالية للفترة الحالية وعمل التحليل المقارن بين فترة وأخرى يعتبر أهم ما يجب أن نقوم به لقياس الأداء فى الشركة وبناء عليه إتخاذ قرارنا بالشراء أو البيع فى أسهمها
والتحليل المالى أيضا يستخدم مؤشراته ...
- نسب السيوله .
- نسب التشغيل .
- نسب المديونيه .
- نسب الاسهم ( للشركات المساهمه (
- نسب النمو

طيب ببساطة شديدة ... الكتب بتقول إبه .. علشان نقدر تعرف الشركة دى تستحق عناء الدخول فيها أم لا ..

كل شركة تصدر لنا أربعة أنواع رئيسة من القوائم المالية وهي:
الميزانية العمومية، وقائمة الدخل، وقائمة التدفقات النقدية، وقائمة حقوق المساهمين.
1- تبين الميزانية العمومية ما تمتلكه الشركة من أصول (موجودات) وما يترتب عليها من التزامات أو مطلوبات في فترة زمنية معينة.
2- تبين قائمة الدخل ما حققته الشركة من دخل وما تكبدته من تدفقات نقدية خلال فترة زمنية معينة.
3- تبين قائمة التدفقات النقدية عمليات التبادل النقدي التي تتم بين الشركة والعالم الخارجي خلال فترة معينة من الزمن.
4- تبين قائمة حقوق المساهمين التغييرات التي تطرأ على حقوق ومصالح المساهمين في شركة ما على مدى فترة زمنية معينة.

بعد كل التحليل الطويل والمقارن للقوائم والنسب للشركهخلال سنه وخلال عدة سنواتوبالمقارنه بغيرها من الشركات وبمتوسط الصناعهيتم تقييم السهم ماليا وسوقيا للوصول الى أهم مانحتاجه فى البورصة :-

1- إما أن السعر مغري للشراء( Under Valued ) ايمقيم باقل مما يجب
2- أو للبيع ( Over Valued ) مقيم باكثر ممايجب .

وذلك من خلالعدة طرق ومؤشرات ماليه..
لعل من ابرزها واسهلها استخداما مضاعف الربحيهوالذييقسم السعر السوقي على العائد المتوقع من السهم( نصيب السهم من الأرباح ) .
وهناك مركب Peg والذي يقسم مضاعف الربحيه على نسبة النمو لتناسب الشركات ذات النمو العالي .

وهذا التحليل المالي جزء من اجزاء التحليل الاساسي او الاصولي للاسهم والذي يبدأ بتحليل الاقتصاد ومن ثم الصناعه ومن ثم الشركه وتحليل الشركه عبر التحليل المالي ومن ثم تقييم السهم سوقيا وسعره العادل

dr. gihan gamal · 20-04-2007, 10:06 AM

--------------------------------------------------------------------------------

نقطة البيفوت
أو بما تسمى بــ ( نقطة الإرتكاز ) وهي النقطه التي يتراوح او يتذبذب حولها السهم

وعادة تعمل هذه النقطه كنقطة دعم ومقامه للسهم... كما يمكن من خلال معرفتها , حساب نقاط الدعم والمقاومه للسهم.

كما أن معرفة حسبتها أثناء التداول اليومي وخاصه بين الفترتين, يساعدك كثيرا على اختيار وترشيح نقاط الدخول والخروج من الأسهم المتذبذبه كمضاربه يوميه.
__________________

dr. gihan gamal · 20-04-2007, 11:39 AM

روابط :

1-حاسبة البيفوت

2- فيبوناتشى

3- جدول أهداف فيبوناتشى
http://www.4shared.com/dir/2167715/3...d/sharing.html

khaled ayob · 20-04-2007, 06:22 PM

[مضاربة على السريع]للدكتورة جيهان جمال
* أول حاجة فى الآجندة معاك لازم نقاط الدعم والمقاومة الآسبوعية لسهم ... دة اساسى ياجماعة ...

* نشوف السهم قبل الجلسة موقفه ايه .. مش من الإعراب طبعا .. موقف الترند .. هل طالع ولا نازل ولا معرض ..
علشان اعرف أنا هاشتريه النهاردة لو بعته .. ولا بكرة ، والعكس صحيح ..

* نكتب فى ألاجندة بتاريخ اليوم .. نقاط الدعم والمقاومة لليوم ..

* طيب ..
بنشوف السهم .. نازل مثلا النهاردة لكن ترنده العام صاعد ... التحليل الفن بيتوقع كدة ..
بدأت الجلسة ، ومفيش أخبار عن السهم اتقالت .. بابص على الطلبات والعروض علشان اشوف السهم بياخد ولا بيدى .. يعنى السحب من الطلب ولا من العرض ..

طيب ...
السهم اشتغل وبيطلع ودخل على المقاومة الاولى .. ووقف عندها .. وماكملش .. وبدأ يقف ، ويدى الطلب ..
وانا عارف أنه نازل .. والمؤشرات شغالة معايا نزول .
هنا بابيع جزء .. وأحط الطلب على الدعم الآول واتفرج ..

الفكرة هنا أيه .. المضارب السريع بيشتغل على انه لو عمل كل يوم 2% أو 3 % ، بعد عمولة السمسار هوة كسبان برضه ..
جمع فى الشهر ، هتلاقيه كسب كويس ..

المخاطرة عاوزة تركيز بس ، وبعد كدة كله محسوب ..

نكمل المضارب بيعمل أيه بالشارت :
صديقنا المضارب، بيبص للشارت بمفهوم خاص به :
سؤاله الآساسى أول مايشوف الشارت :
السهم فبن النهاردة ؟:D
لو عند الحد العلوى للبولنجر .. بياع
لو لقى مؤشر RSI ضعيف ... بياع
مؤشر الستوكاستيك إدى له خروج ... بياع
لو عند مقاومات مقاومات الآسبوع فى الآجندة ..بياع
لو لقى نفسه عند مقاومة من مقاومات فيبوناتشى ..بياع .

زى ماقلنا فى التعليمى ان مستر بولينجر أوصانا بإعدادات 20 يوم ..
وانا شرحتها فى الباب التعليمى..
لكن ممكن أيضا تغيير الآعدادات لتحتوى على المدى السعرى الخاص بكل سهم .
إيه رايكم ناخد مثال عملى ..
نشوف بنك التعمير حقوق أقل مثلا ..
إحنا قلنا عنه النهاردة الترند العام صاعد ، ولكن لامس الباند العلوى وهبط ، والمؤشرات الفنية هابطة ... تمام ..
والمقاومة : 44.43 - 45.27 -46.15:
الدعم : 42.71 - 41.83 - 40.99
طيب ..
السهم فتح ب44.30 ، أعلى من إغلاق اليوم السابق .. علامة جيدة .. ننتظر بيعمل ايه ..طلع حتى 44.50 يعنى بعد المقاومة ألآولى بقروش .. وبدأ الطلب يدى العرض ..
المضارب هنا عارف من الصبح فى تحليله إن السهم نازل والمؤشرات لم تتغير .. والسهم وقف عمد النقطة دى ونزل ..
هنا المضارب باع .. عن المقاومة او قبلها حسب تنفيذه والسمسار ..
وهيشترى تانى .. وضع طلبه على الدعم الآول أو بعده .. ووصل له السهم فعلا .
وليه أشترى النهاردة
لآن الترند العام مازال صاعد ..
وإلا كان اشترى اليوم التالى لو الترند هابط ..
شرح لكيفية التعامل مع نقاط الدعم والمقاومة
تعتبر نقاط الدعم والمقاومة من أهم الدلائل التي يستعين بها المتداولون في بيع وشراء الأسهم، ويجب على كل من يتعامل في البيع والشراء والمضاربات في سوق الأسهم أن يلم بها إلماما جيدا لتكون دليله بعد توفيق الله في اتخاذ قرار البيع أو الشراء.
ويتم حسابها قبل افتتاح السوق حسب معلومات ا لإقفال السابق للسوق، وهي طريقة مجربة ومفيدة جدا خصوصا للمضاربين اليوميين وعندمايكون حجم التداول كبيرا على السهم.
[الحد الأدنى للمقاومة
هي النقطة التي يمكن أن نبيع عندها، ويمكن أن تكون نقطة مراقبة فإذا كاد أن يرتد السهم من نقطة المقاومةنزولا نبيع، ومن يحرص على الأمان كثيرا فعليه أن يبيع قبل الوصول إلى الحد الأدنى للمقاومة بقليل

سلوك السهم عند الحد الأدنى للمقاومة يبادر المتداولون في الغالب إلى البيع عند هذه النقطة لاعتقادهم أنهم حققوا ما يكفي لجني الأرباح، وهنايقل الطلب ويزداد العرض فينزل السهم مرة أخرى متجها إلى الحد الأدنى للدعم. أما إذاكسر السهم الحد الأدنى للمقاومة صعودا فمعنى ذلك أن ملاك السهم يحتفظون به إمالقناعتهم أن السهم لا يزال رخيصا أو أن هناك أخبار جيدة أو شائعات على السهم، وفي هذه الحالة سيكون البيع أكثر أمانا عند الاقتراب من الحد الأعلى للمقاومة،
ولكن ماذا يعني أن يكسر السهم الحد الأعلى للمقاومة؟ معنى ذلك أن هناك أخبارا قوية جداوأن السهم سينطلق إلى الأعلى بقوة
الحد الأدنى للدعم
هي
النقطة التي يمكن أن نشتري عندها، ويمكن أن تكون أيضا نقطة مراقبة [/color][/u]فإذا كاد أن يرتد السهم منها ارتفاعانشتري، ومن يريد أن يضمن فيمكنه أن يشتري قبل الوصول للحد الأدنى للدعم.
سلوك السهم عند الحد الأدنى للدعم:
عند هذه النقطة يشعر المتداولون أن السهم مناسب للشراء ومرشح للصعود فيزداد الطلب ويبدأ السهم فعلا بالصعود. أما إذا كسر السهم الحد الأدنى للدعم نزولا فهذا يعني أن هناك مشكلة ما في السهم، إما إشاعة أو خبرسلبي حوله، وفي هذه الحالة ينصح بتصريف السهم والدخول مرة أخرى عند الحد الأعلى للدعم. ولكن إذا تم كسر الحد الأعلى للدعم نزولا فهذا انهيار في سعر السهم لا يستقرفيه إلا في القاع، ويتم تقدير القاع حسب المعطيات المتوفرة حول السهم.

ويوصي البعض بأنه عند الوصول إلى الحد الأدنى للمقاومة يتم بيع نصف الكمية من الأسهم،والانتظار فقد يتجه السهم إلى الدعم فيكون هناك فرصة للشراء وقد يرتفع إلى الحدالأعلى للمقاومة فتكون هناك فرصة أيضا للبيع

سؤال عن كيف يمكن للمضارب أن يحقق مكاسب سريعة فى ظل مايواجهه من مخاطر ...؟؟؟؟؟؟؟
كما أوضحنا من قبل أن المضارب الذى ينوى الشراء خلال فترة زمنية قصيرة تصل لأيام لا يتطلب الأمر منه بالدرجة الأولى معرفة البيانات الاقتصادية للسهم بل يتطلب الإلمام :D :D بالتوقيت المناسب للشراء والتوقبت المناسب للبيع.
ويجب أن نركز على مؤشر السوق بالدرجةالاولي حيث أن ارتفاع المؤشر سوف يؤدى إلى الإقبال على الشراء وبالتالي ارتفاع أسعار الأسهم بشكل عام وانخفاض المؤشر سوف يؤدى إلى الضغط على أسعار الأسهم وبالتالي الإقبال على البيع بشكل عام.

طبعا التحليل الفنى هو الذى سيساعدنا فى معرفة التوقيتات المناسبة والإشارات الدالة على البيع أو الشراء... والتى تظهر قبل الحدث بفترات قليلة جدا .
قبل أن نقوم بأية عملية يجب أن تعرف ماذا سيفعل السوق غدا؛ وهل سيرتفع كي تشتري اليوم؟أم سينخفض كي تؤجل عملية الشراء؟

فمن البديهي أنك تريد الشراء بسعر منخفض :D والبيع بسعر مرتفع
من المعروف أن أفضل وقت للشراء :
هو عندما يكون مؤشر السوق قد تعرض لانخفاضات متتالية لعدة أيام أو أسابيع بحيث يكون قد وصل للحد الذى يوحي بأنه أصبح جاهزا للارتفاع نتيجة إحساس المتعاملين أن الأسعار قد وصلت إلى مستويات منخفضة جداوقد حان وقت الشراء،
وهذا الحد يسمي بـ(القاع) .

ما هي المؤشرات أو الدلائل التي توحي بأن السوق قد وصل إلى القاع ؟
أولا: مستوى منخفض جديد للمؤشر بالاضافة إلى حجم تداول منخفض.
ثانيا: عندما يسود الحزن والأسى والتشاؤم بين المتعاملين ويتوقعون المزيد من الانخفاض.
ثالثا: عندما يكون مؤشر السوق بالقرب من حاجز سفلي رئيسي سبق للمؤشر تاريخيا أن وصل اليه ثم انعكس اتجاهه إلى أعلى،
رابعا: محاولة مؤشر السوق الارتفاع بنسبة 1% أو أكثر، ومؤكد بحجم تداول كبير أكثر من اليوم الذي قبله.
خامسا: بدء ظهور بيانات اقتصادية بشكل إيجابي يشعل السوق من جديد .

عندما تظهر هذه الدلائل جميعا فكن مستعدا للبدء بعمليات الشراء عند اليوم الثالث او الرابع من بدء السوق بالارتفاع عن القاع ولا تبدأ في اليوم الأول حتى لا تنخدع بالارتفاعات الخادعة .

ماذا تشتري؟
لا تتقيد بسهم معين ... بل ننظر إلى أكثر القطاعات انخفاضا نتيجة انخفاض السوق ثم من داخل القطاع نفسه انظرإلى أكثر الصناعات انخفاضا ثم اشتر أكثر الأسهم انخفاضا نتيجة انخفاض السوق وليس بسبب مشاكل بالسهم نفسه فمن المعروف أن أكثر الأسهم انخفاضا نتيجة ضغط السوق هي أكثرها ارتفاعا عند ارتفاع السوق.

متى تبيع؟
عندما تصل قيمة السهم إلى السعرالذي يعتقد المحللون أنه أصبح غالى ، ولم يعد هناك إقبال على الشراء .. ويصل السعر لمستوى المقاومة وهو الحد الذي سبق أن وصل إليه سعر السهم من قبل، وانعكس اتجاهه إلى الأسفل، وفي نفس الوقت يكون هناك تناقص في حجم الكمية المتداولة من السهم .

فى نفس الوقت الذي تعمل على توقيت البيع من خلال مراقبتك لأداء سعر السهم يجب أن تبقي تركيزك على أداء السوق بشكل عام أيضا. قد يحدث انخفاض مفاجىء من مؤشر السوق بينما سهمك لم يصل إلى نقطة البيع بعد وبالتالي تنخفض قيمة سهمك من السوق قبل أن تبيعه متى بنخفض مؤشر السوق ؟
عندما يصل مؤشر السوق إلى مستوى سبق له تاريخيا الوصول إليه ثم انعكس اتجاهه إلى الأسفل، وهذا المستوى الذى يسمي بالمقاومة، أو يصل إلى مستوى جديد من الارتفاع لم يسبق له الوصول إليه من قبل،...
وهنا يجب أن تكون حذرا جدا حيث أن السوق سوف يقوم بما يسمي عملية تصحيح للأسعار بشكل عام بحيث يدفعها للانخفاض المفاجىء. هذا المستوى الذي يبدأ السوق فيه عملية التصحيح يسمي بالقمة.

ما هي المؤشرات أو الدلائل التي توحي بأن السوق قد وصل إلى القمة التي سوف يبدأ عندها بعملية التصحيح وتعديل مسار الأسعار إلى الأسفل؟أولا: الوصول إلى مستوى جديد لم يسبق الوصول إليه من قبل وفي نفس الوقت يكون هناك تزايد في حجم الكمية المتداولة من الأسهم بينمايرتفع المؤشر بنسبة ضعيفة.
ثانيا: عندما يسود التفاؤل المبالغ فيه والجشع بين المتعاملين ويتوقعون المزيد من الارتفاع.
ثالثا: بدء ظهور بيانات اقتصادية بشكل سلبي مما يثير خوف وهلع المتعاملين.
رابعا: عندما تظهر هذه الدلائل جميعا فكن مستعدا للبيع وبشكل سريع جدا لأن قمة السوق لا تستمر لأكثر من يوم أويومين.

____________ _________ _________

ماذا في حالةأن سعر السهم انخفض بشكل مفاجيء بعكس التوقعات؟
في هذه الحالة يجب أن تكون على علم مسبق بنسبة الخسارة التى تستطيع أن تتحملها، فبشكل عام إذا انخفض السهم بنسبة 7-8 % عن سعر الشراء فالمضارب الحذر يبدأ بالبيع ولا ينتظر أكثر ويمكن التعويض لاحقا فى متاجرة قادمة ويجب أن تؤقلم نفسك على أن تجعل عملياتك تسير مع اتجاه السوق وليس عكسه،
فأنت لا تستطيع أن تقف أمام قطار مقبل بسرعة هائلة وتقول له قف.. يجب أن تذهب في الاتجاه الاخر وإلا فسوف يسحقك ويمضي في طريقه.

في نفس الوقت يجب أن تعرف مسبقا ما هي نسبة الربح التي تقتنع بها، فبشكل عام يعتبر ارتفاع 25 % من سعر الشراء مناسب للبيع في حالة أنك لا تعرف متى سيتوقف السعر عن الارتفاع .
____________ _________ _________
أولا :
لو هتدخل سهم جديد بالنسبة لك ، لازم تبقى عارف القطاع بتاعه وضعه إيه فى السوق ، وهل هو مناسب لآستراتيجيتك وطبيعتك ولا لآ ..
بمعنى لو كنت مضارب إختياراتك هتختلف عن لو كنت مستثمر ،
ثم تشوف وضع القطاع فى السوق ككل ، ووضع سهمك فى القطاع ..

ثانيا :
أنا وضعت لينك قبل كدة كذا مرة ، لحساب المقاومات والدعم ، ممكن تحسب 3 و4 كمان .. وهاضعه تانى .
بالنسبة للمقاومة الآسبوعية ، تضع فيها أعلى سعر فى ألاسبوع ـ ,اقل سعر ، وسعر ألاغلاق لآخر يوم فى ألاسبوع ..
يعنى تضع فيها بيانات الآسبوع مش اليوم .. وأنا باعملها إسبوعيا وبتبقى موجودة فى باب خلاصة رؤية تحليلية .
ثالثا :
اللينك بتاع فيبوناتشى ، إنت بتضع فى المعادلة سعرين .
مثلا لو عندك ترند هابط ، وعاوز تحسب مستهدفاته ، تضع السعر الاول بداية الترند ، أعلى سعر فى الترند والسعر التانى نهاية الترند يعتى أقل سعر فى الترند من بعده السهم طلع ..
والمعادلة هتحسب دة .
____________ _________ _________
رابط هام جدا
ألة حاسبة لحساب نقاط الدعم والمقاومة
http://www.4shared. com/file/ 12800671. ..alculator. htmll
____________ _________ _________
أولا :
فيبوتاتشى .. مش كل يوم بيتغير ياباسم ـ لآن ترند السهم اللى بنتكلم عنه مش بيتغير كل يوم .
بمعتى إنت بتشوف السهم مثلا كان طالع لحد نقطة معينة ... وبعدين غير إتجاهة وهبط ، وظل هذا الهبوط فى ترند ( يعنى ممكن يطلع شوية لكن الترند العام هابط ، ولكن طلوعة مايوصلش لنقطة البداية )
زى Case 30 من نقطة 8184 فى 1/2/2006 ..دى بداية ترند هابط ..
وكل دة بنحاول نصحح ..
ونهاية الترند الهابط أقل نقطة وصل لها السهم .. ونبدأ نحسب من عندها وفقا لمتتالية فيبوناتشى العددية ..
هنلاقى السهم لازم ياخد موجات تصحيحية ، ولازم كل مرة يصل لنسبة من هذه النسب وبعدها يغير إتجاهه تانى ويصعد حتى يكتمل التصحيح ..

وأنا هاشرح فى التعليمى نظرية فيبوناتشى دى بالتفصيل ، وماتم إضافته عليها من خبراء التحليل الفنى حتى الآن ومعادلاتهم لتوقع نسب التصحيح .

ثانيا :
زى ماقلت مانقدرش نطبق كل دراسات التحليل الفنى على كل الآسهم .. ممكن نطبق بعض الدراسات على بعض الآسهم ..
واضحة دى ياباسم .. دراسة علم المنطق ( دراسة تطبيقية ) .

ثالثا :
الويكلى بيعطى لنا رؤية أوسع لما سيحدث خلال الآسبوع ..
فرصة للمضارب الآسبوعى ، وليس اليومى ..
أما اليومى ضرورة لابد منها للى قاعد قدام الشاشة كل يوم ..
لكن الآسبوعى بيوجهه ، بمعنى
الشموع مثلا للمضارب اليومى أكثر واقعية ، ممكن تبقى خروج فى يوم ، لكن الويكلى بيقول الترند صاعد ، يبقى أبيع فى اليوم دة ، ولازم أشترى اسهمى وأحنفظ لبها تانى لآن فى النهاية الترند صاعد ..
ماشى كدة ولا لسه ، نقول كمان ..
____________ _________ _________
أنا بافضل سعر الآغلاق هو المتوسط ، وبرضه باعمل سعر الآغلاق أخر تنفيذ علشان اشوف الدنيا رايحة فين .. وأخذ فكرة .. السهم مش بيمشى بالمسطرة كل مرة ..
إعمل الآثنين .. ومعاك حاسبة البيفو مش هتاخد منك وقت خالص .

لكن فى الشموع ... لازم لازم لازم أخر سعر تنفيذ
____________ _________ _________
أولا :
إحنا لما بتستخدم قاعدة علمية أو معادلة رياضية لازم فيه معطيات ليها .. تمام ..
فى المدرسة اليابانية أساس عملهم على 4 معطيات ..
1- سعر اول تنفيذ .
2- سعر أخر تنفيذ .
3- أعلى سعر .
4- أقل سعر .

لو أنا ماعنديش ال4 معطيات او مدخلات دول ، النتائج أو المخرجات هتكون غلط ، وتعطينا إشارات خاطئة لاتتناسب وما قالته المدرسة اليابانية ..
وساعتها العنب العنب هو اللى هيكسب .. مش الشموع ..

ثانيا :
إحنا لسه فى مصر بنعتبر من الآسواق الناشئة فى الآسواق المالية ، ولم ينضج السوق بالدرجة الكافية علشان نتعامل زى العالم الخرجى بن متوسط إغلاق ، وبدون سقف 5% ، او 20% ، او T+ 2 أو كل هذه القيود ...
ولذلك السعر المرجح أو متوسط السعر أحيانا بيكون حماية لتداولات تسوية ونقل ورق ومبادلة وحسابات ورمى وكلام كتير اوى ..
لذا يفضله الكثير للحكم على الآسواق العربية الناشءة وإحنا طبعا منها ..
____________ _________ _________
البيفوت دى طريقة عالمية رياضية بحتة ( معادلات يعنى ) متفق عليه فى الاسواق المالية فى العالم كله ..
مش إختراع حد .. قابل للخطأ أو التجربة ..
دى نسب ومعادلات تم الآتفاق عليها عالميا ..
وماينفعش أختار أو ماأختارش ..
الفرق بيبقى فى لو وضعت سعر الآغلاق ، اخر سعر أو متوسط السعر فقط لاغير ..
____________ _________ _________
السوق المصرى علشان هوة ناشئ .. بيكون فيه تدخل فى الآليات الخاصة بالبورصة ..
مش بيشتغل لوحده وفقا لما هم معمول ع فى الآسواق العالمية ..

الطبيعى أنه يكون اخر سعر .. يعنى أخر تنفيذ ..هو الآساس .
ولكن علشان إحنا فى سوق مش طبيعى.. مش ناضج بالدرجة الكافية .. لسه ثقافة البورصة محتاجة مجهود .... بنتعامل مع الآثنين ..
ماينفعش تلبس بدلة على البحر .. ولا تلبس مايوة فى المكتب ..
لكل سوق أدواته .. وأبجدياته ..
علشان كدة مانقدرش نقول على نفسنا إننا نضجنا بالدرجة الكافية فى البورصة وإحنا لسه أهوة بنحاول ، وبنقول ياشفافيه .. تعالى ..
إنما بنحاول نشوف الناس المتقدمة فى المجال دة بتحسبها إزاى وبنحط الرؤية أمامنا ..
ومش هنخسر حاجة ومش هتفرق معانا ..
لآن زى ماقلنا السوق مليان إعتبارات أخرى كثيرة ومؤثرات خارجبة بتأثر على أليات العمل الحر فى البورصة ..
____________ _________ _________

إنت فى وقت الجلسة إشتغل على أخر سعر أتنفذ قدامك طبعا ..
لآن مالوش معنى سعر ألاغلاق ليوم لم يحسم الوضع فبه أيه ..
يعنى عصفور فى اليد ..
مش حادى بادى خاص ياباسم ..
وبعدين إنت عاوز تدخل الجلسة ولسه هتحسب ؟؟؟
انت أصلا حاسب فى الآجندة .. المستهدف الآسبوعى .. وبعدين اليومى ,,
ولو عندك مياشر فى الجلسة بتحط على الشارت اليوم البولينجر باند ، وطبع خد الدعم والمقومة بتوعك على الشارت وبتشتغل كدة .. من غير ماتلخبط نفسك بالبيفوت وقت الجلسة ..
____________ _________ _________

طبعا قبل ماأدخل السهم باكون مذاكره كويس ..
وضعه المالى ، وضعه فى القطاع ، وبعدين وضعه الفنى ..
أنا هاقولك أنا باأعمل إيه ... أوك ..
أنا لو باشوف السهم للمرة الآولى بأحب أتفرج على سيرته الذاتية .. أشوفه خلال سنواته الماضية 10 سنين - فريم كبير يعنى كان شكله أيه علشان أعرف إذا كان موسمى ولا لآ ..
وبعدين أقلل الفريم شوية ويبقى 5ستوات ثم 3 ثم 2 ثم سنة .
,اتفرج عليه وأشوف ترنده العام ماشى إزاى ..
ونقطه التاريخيه فين .. قمم ، قيعان ، دعم ، مقاومة ..
أرسم البولينجر .. مؤشر القوة النسبية ـ الماكد ، الستوكاستيك ، الويليامز ، الفوليوم ..
وبعدين أتفرج عليه 6 شهور علشان أدور على نموذج .. أتكون أو فى طور التكوين ..
وبعدين نقلل شوية الفريم لغاية لما أوصل لشهر ..
وأرسم الشموع .. وأقرا منها اللى بيحصل ..
ولو فيه مؤشر عاوزة أستعين بيه تانى ، بيبقى إضافى للدراسة والمساعدة على التحليل .
وبس كدة

dr. gihan gamal · 20-04-2007, 11:10 PM

[quote=khaled ayob][مضاربة على السريع]للدكتورة جيهان جمال

QUOTE]

[b][right][font="Tahoma"]شكرااااااااااااااااااااااااااااااااااا

مش عارفة أشكرك إزاى

ومضات هامة وسريعة فى التحليل الفنى والمالى

= رؤى تـعـلـيـمـيـة شــامـلـة