سؤال وجواب ... خاص للمبتدئين

dr. gihan gamal · 19-04-2007, 07:15 PM

بسم الله الرحمن الرحيم

هذا الباب مخصص فقط للمبتدئين ...

كل ماتريد أن تسأل فيه .. فى عالم البورصة ..

كل ماتحتاجه ... لكى تبدأ ..

وكل ماتحتاجه لكى تنمى مهاراتك ..

فقط إسأل ...

وتعلم معنا ...

ولا تخجل مهما كان السؤال يبدو بسيطا ..

فليس عيبا ان لاتعرف ..

ولكن العيب ان تظل لا تعرف ..

والآبواب كلها مفتوحة لك ... لكى تتعلم ..

هيا بنا بنبدأ باسئلتك ..

من ألف .. باء البورصة ..

فقط

dr. gihan gamal · 19-04-2007, 07:30 PM

س.. سؤال ...

لماذا يجب أن أتعلم التحليل الفنى ... بيقولوا مالوش لازمة .. وهية ماشية كدة .. ومش محتاجة .. والكلام دة مابينفعش فى مصر ... إيه رايك ؟

ج . جواب

طيب هوة انت تعرف يعنى ايه تحليل فنى .. علشان تعرف انه مالوش لازمة ..
مش الاول نعرف يعنى ايه الشئ .. وبعد كدة نحكم عليه ..
ولا إيه ...

التحليل الفني دة عبارة عن عملية تحليل أسعار السهم التاريخية...
السهم كان بكام يوم إيه ... سهلة اوى .. صح
طيب بنستفيد إيه ..
لما باعرف كان بكام فى خلال حياته السابقة .. بأقدر أتتنبأ أو أقرر الأسعار المستقبلية المحتملة ..
إزاى ..
ببساطة ...
باعمل بمقارنة حركة السهم الحالي..... والتو قعات لحركة السهم المستقبلية ... وعلى ضوءها للوصول لنتيجة معقولة.

طيب هوة دىة اللى المحلل بيعمله ببساطة شديدة ..
ليه ..
لآن التاريخ بيعيد نفسه .. دة قاعدة ومافيهاش جدال ..

وعلشان كدة لازم نستفيد من التاريخ ..

طيب لو مش قادر تتبنأ لسه .. وحاسس انك ليه طبعا محتاج تدريب ..

على الاقل التحليل الفنى تستطيع بواسطته أن تقلل نسبة المخاطرة في استثمارك وتطور
دخلك.

عاوزاك بس تعرف ابجديات التحليل الفنى .. اللى يخليك عارف انت بتشترى السهم دة وهو طالع .. وهتكسب معاه ..

ولا السهم بيبيعواهولك ... وهينزل ..

رؤية بسيطة جدا .. تعرف بيها فلوسك دى هتكسب ولا .. إنت بتعمل ايه ..

hazem youssif · 19-04-2007, 07:55 PM

اقتباس:

المشاركة الأصلية كتبت بواسطة dr. gihan gamal

س.. سؤال ...

لماذا يجب أن أتعلم التحليل الفنى ... بيقولوا مالوش لازمة .. وهية ماشية كدة .. ومش محتاجة .. والكلام دة مابينفعش فى مصر ... إيه رايك ؟

ج . جواب

طيب هوة انت تعرف يعنى ايه تحليل فنى .. علشان تعرف انه مالوش لازمة ..
مش الاول نعرف يعنى ايه الشئ .. وبعد كدة نحكم عليه ..
ولا إيه ...

التحليل الفني دة عبارة عن عملية تحليل أسعار السهم التاريخية...
السهم كان بكام يوم إيه ... سهلة اوى .. صح
طيب بنستفيد إيه ..
لما باعرف كان بكام فى خلال حياته السابقة .. بأقدر أتتنبأ أو أقرر الأسعار المستقبلية المحتملة ..
إزاى ..
ببساطة ...
..

عندى سؤالين

الاول هل ينطبق هذا على البورصات الناشئه والتى تؤثر فيها عوامل ومتغيرات كثيره لا توجد فى بورصات الدول الاكثر تقدما ؟

اذا كان التحليل الفنى يعتمد على التحليل التاريخى للسهم فكم عام يشترط ان يكون السهم فى السوق حتى نستطيع تحليله ؟ وماذا نفعل مع سهم جديد مثلا كسهم الاتصالات هل نتركه ولا نتعامل عليه حتى تمر عليه فتره زمنيه نستطيع بعدها تحليله فنيا قبل الدخول فيه ؟

dr. gihan gamal · 20-04-2007, 11:53 AM

اقتباس:

المشاركة الأصلية كتبت بواسطة hazem youssif

عندى سؤالين

الاول هل ينطبق هذا على البورصات الناشئه والتى تؤثر فيها عوامل ومتغيرات كثيره لا توجد فى بورصات الدول الاكثر تقدما ؟

اذا كان التحليل الفنى يعتمد على التحليل التاريخى للسهم فكم عام يشترط ان يكون السهم فى السوق حتى نستطيع تحليله ؟ وماذا نفعل مع سهم جديد مثلا كسهم الاتصالات هل نتركه ولا نتعامل عليه حتى تمر عليه فتره زمنيه نستطيع بعدها تحليله فنيا قبل الدخول فيه ؟

الآول :

نعم ..

ينطبق على البورصات الناشئة ..
ولكن ليس بنفس الفاعلية والكفاءة والمرونة الموجودة فى البورصات الآخرى ..
حيث أن
مايتم وضعه من قوانين واليات لحماية الآسواق الناشة ، أحيانا يؤدى إلى عدم تفعيل النتائج المتوقعة والمرجوة من التحليل الفنى ..
ولكن .... يمكننا طبعا الآعتماد عليه بنسبة كبيرة جدا ..

الثانى :

لايتم تحديد فترة زمنية بعينها لقراءة تاريخ سهم ، ولكن كلما كانت الفترة اطول كلما كان حكمك اكثر فاعلية ـ لان السهم سيكون مر بتجارب كثيرة ، وتقدر تشوف ردود افعاله تجاه هذه التجارب ..
والفترة القصيرة لن تتيح لك ذلك ..
وبصفة عامة ليس اقل من 3 شهور فى أسواقنا الناشئة حتى نعرف مايحدث منها واهى ردود افعاله .

khaled ayob · 20-04-2007, 03:44 PM

السلام عليكم
عندي سؤال خاص بالنمازج الفنية
مش عارف مدي وجاهته
ماهي الفلسفة التي تستند عليها النمازج الفنية؟؟؟؟؟؟؟؟
بمعني اشمعني لما النموزج يتشكل بيقول ان هناك شئ ما متوقع حدوثه صعود او هبوط

حويطي الحويطات · 20-04-2007, 04:34 PM

السلام عليكم
استاذتنا الغاليه / د جيهان

ما هي اعدادات بعض المؤشرات الشهيره ؟

وهل لكل سهم اعداد معين ؟

وهل اعدادات المؤشرات في سوقنا تختلف عن اي سوق اخر ؟

ولكي جزيل الشكر

uioprty · 20-04-2007, 05:11 PM

[b]سوال ديناميكي ....لو سهم من اسهم خمسة بالمائة مصفر عروض وطلبات يفتح تاني جلسة علي اي سعر؟؟؟؟؟؟

سؤال فني .....تاثير الخبر القوي علي التحليل الفني بيكون مزعج جدافهل هناك نماذج فنية بتعالج او بتابع هذة التاثيرات [/B

dr. gihan gamal · 21-04-2007, 12:46 AM

اقتباس:

المشاركة الأصلية كتبت بواسطة khaled ayob

السلام عليكم
عندي سؤال خاص بالنمازج الفنية
مش عارف مدي وجاهته
ماهي الفلسفة التي تستند عليها النمازج الفنية؟؟؟؟؟؟؟؟
بمعني اشمعني لما النموزج يتشكل بيقول ان هناك شئ ما متوقع حدوثه صعود او هبوط

وأنا عندى الإجابة :

الفلسفة التى يستند عليها التحليل الفنى كله مش بس النماذج فقط ...
أن التاريخ يعيد نفسه ... بمعنى أن حركة السهم لما بتتكرر وبتدى نفس النتائج .. دة بيتسجل .. ويعتبر سابقة للسهم .. وتكرار النموذج بنفس النتائج بيثيت صحته ونجاحه ..

بمعنى أنه أصبحت حركات للسهم ( نماذج ) لها خصائص معينة متعارف عليها فى عالم التحليل الفنى لما بتحصل بتؤدى لنتائج معينة .. متفق عليها .

يبقى هنا الفيصل التاريخ والتكرار ونفس النتائج ... وتجارب كتيرة .. فى الاخر نتائج موثقة.

mriad · 21-04-2007, 12:53 AM

الى الفاضله د.جيهان
لك كل الشكر والتقدير على هذا المجهود
ولى بعض الاسئله التى لا اجد لها اجابه وهى

ما معنى تحريك الحدود السعريه لسهم (كنت اعتقد انه لغى نسبه ال5% ولكن بعض الاخوه فى منتدى اخر ذكر انها لا تعنى ذلك.... بل تعنى تغيير سعر الاقفال.... ولم افهم ذلك)

عند الغاء تعاملات مجلس اداره شركه معينه وكنت احد المشترين ومضى على ذلك فتر فى حدود اسبوع مثلا وكنت قد بعت هذه الاسهم واشتريت اخرى فكيف التصرف هل تلغى كل العمليات التى ترتبت على هذا البيع
فمثلا هناك حذر بيع يسبق الخبر الجوهرى ب15 يوم ماذا ان اعلن الخبر فى اليوم ال13 بعد البيع اظن فى هذه الفتر تكون الاسهم المباعه قد تداولت بين مجموعه من الافراد غير قليله

هذا وارجو الاجابه ولك شكرى

سارة ممتاز · 21-04-2007, 01:17 AM

انا مش مبتداة لكن عندى سؤال
احيانا الشارتات بتقول ان السهم هيطلع ومش بعيد يطير
وتلاقى بعيد عند وعن السامعين السهم بيتكحرت على الارض ده ايه سببو؟؟؟؟؟
وبمجرد ما تنزل اشاعة او خبر السهم بيبقى مالوش اى علاقة بالتحليل الفنى

سؤال وجواب ... خاص للمبتدئين

= رؤى تـعـلـيـمـيـة شــامـلـة