رد : محاولة فهم
السلام عليكم ورحمة الله وبركاته
دائما ما تحفر الأحداث فى ذكرياتنا سواء الجميلة أو الحزينة وقد نعبر عنها فى وقت لاحق وهذا ما حدث معى
وقد عبرت عن ذلك فيما بعد بكتابة هذه القصة فى المنتدى الادبى ببورصة أون لاين
القصة
====
مباحث الهيئه
--------------
أثناء ذهابى الى الصلاة صادفت أحد رواد المسجد , رجل من الناس الطيبين , سلم على وقال لى : أنا عاوزك فى موضوع يا عم الشيخ ؟
, قلت له مستفسرا : خير ؟
, قال لى : أنت لازم تيجى معايا نروح لبتوع المباحث علشان اعمل محضر ,
قلت :لزومه ايه بس المباحث والمحاضر قول لى مالك ومين مضيقك واحنا ممكن نتدخل ونحل الموضوع إن شاء الله
, قال : يا عم الشيخ دول خربوا بيتى والوليه عايزه ذهبها يا اما حا تتطلق
, قلت : بيت ايه وذهب ايه ؟ ,
قال :ما انت عارف فلوسى وشقى عمرى وذهب مراتى راحوا كلهم واتسرقنا
, قلت : انا مش فاهم حاجه ؟
, قال :الناس بتوع البورصه سرقونا يا عم الشيخ انا ومراتى والعيال كمان ,
قلت : وانت مالك ومال البورصه ؟ ,
قال : ما كل الحته راحت هناك قلت اروح انا كمان واهه حاجه تسند قوم يسرقونا كده انا ومراتى ؟ دى عايزه تتطلق ,
نظرت له رجل على الفطره وقلت : طب وايه حكايه المباحث دى ؟ ,
نظر لى مندهش وقال بثقه : مباحث الهيئه
, قلت : مباحث هيئه ايه ؟ ,
قال :انت طيب قوى يا عم الشيخ ما كل هيئه لها مباحث زى هيئه الكهرباء وهيئه التليفونات وهيئه النقل واكيد هيئه البورصه
,نظرت الى الرجل واخذت اطيل النظر وشرد ذهنى قليلا وأرتبك الرجل وتنبهت على كلماته لى بصوت هادىء ونظره حاده : حا تيجى معايا يا عم الشيخ
, قلت : لا ويلا علشان نلحق صلاة الجماعه ,
وقف وقال : امال حا نعمل ايه انا وانت , اخذت يده وجذبته باتجاه الجامع
وقلت له : عايز الحل ؟
, قال : يا ريت ,
قلت ندعوا عليهم فى الصلاة ,
ذهب ببصره الى حيث لا ادرى وقال : حسبى الله ونعمه الوكيل
(قصة للشيخ غريب)
(للموضوع بقية)
|
العرض العادي
